Պատկերացնո՞ւմ եք, եթե հիմա Առուշ Առուշանյանը լիներ իր քաղաքում՝ Գորիսում, ինչ էր կատարվելու. Վահե Հակոբյան

99

Պատկերացնում եք, եթե հիմա Առուշ Առուշանյանը լիներ իր քաղաքում՝ Գորիսում, ինչ էր կատարվելու. դրա համար էլ Առուշանյանի կալանավորման ժամկետը երկարացրեցին: Այս մասին, այսօր՝ սեպտեմբերի 13-ին, ԱԺ-ում լրագրողների հետ զրույցում հայտարարեց «Հայաստան» խմբակցության անդամ, «Վերածնվող Հայաստան» կուսակցության նախագահ, Սյունիքի նախկին մարզպետ Վահե Հակոբյանը՝ պատասխանելով հարցին, թե Սյունիքի համայնքապետերը շարունակում են մնալ կալանավորված և շատերը նրանց կալանավարումը կապում էին հենց այն վիճակով, որ պետք է առաջանար Սյունիքում:

Ինչ վերաբերում է Գորիսի 12 բնակիչներին Փաշինյանի մեքենայի ուղղությամբ ձվեր նետելու և  Մեղրիից 20 բնակչների «սյունյանց ողջյունի» համար մեղադրանք առաջադրելուն, Վահե Հակոբյանը նշեց, որ շարունակվում է երկրի վարչապետի աթոռը զբաղեցնող անձի մանր վրեժխնդրությունը.

«Մինչև ո՞ւր է սենց  գնալու… Եթե մտածում է ցմահ նստելու է այդ աթոռին, չարաչար սխալվում է,  նաև այն դատավորները, որոնք նման վճիռներ են կայացնում»:

Նա հայտարարեց, որ Առուշ Առուշանյանը մասնակցելու է Գորիսի քաղաքապետի ընտրություններին «Առուշանյան դաշինքով», որը ստեղծել են «Վերածնվող Հայաստան» և «Ազգային օրակարգ» կուսակցությունները:

«Մենք չենք խուսափում նոր թիրախավորումներից: Մեր խնդիրն է այս ապաշնորհ իշխանություններից ազատվելը ցանկացած ճանապարհով»,- ասաց Վահե Հակոբյանը՝ հավելելով, որ դրան հասնելու են ցանկացած ճանապարհով:

News.am