Մերձարաքսյան հողեր, ռուսական ներկրում, վրացական ներկրում. hayaliq.com

27

Այսօրվանից ուժի մեջ է մտնում Վրաստանի կառավարության որոշումը, համաձայն որի` արգելվում է Վրաստանից ցորենի և գարու արտահանումը մինչև 2023 թ․-ի հուլիսի 1-ը:

2020 թ.-ին Վրաստանն արտադրել է 102 տոննայից քիչ ավել հացահատիկ, որից մոտ 3․2 տոննան արտահանվել է ՀՀ: 2021 թ.-ին հացահատիկի արտադրությունը կազմել է մոտ 136 տոննա, որից ՀՀ արտահանված հացահատիկի ծավալը կազմել է մոտ 1.4 տոննա:

Մեր նախորդ հրապարակումներից մեկում անդրադարձել էինք աշխարհում ահագնացող հացահատիկային ճգնաժամին, որը սրվել է ուկրաինական դեպքերի ֆոնին: Այստեղ մենք անդրադարձել ենք ռուսական շուկայից ՀՀ ներկրվող հացահատիկի չափաբաժնին, որը գերազանցում է 90%-ը:

ՀՀ այժմ լուրջ խնդիր ունի հացահատիկի պաշարները համալրելու: Խնդիրն ավելի է լրջանում հատկապես այն պարագայում, երբ դեպի ՀՀ հացահատիկ արտահանող երկրները հերթով նվազեցնում և ապա դադարեցնում են հացահատիկի արտահանումը, իսկ ինքնուրույն մենք չունենք հնարավորություն համալրելու այդ պաշարները: Հաշվի առնելով այն հանգամանքը, որ Արցախյան երրորդ պատերազմից հետո թշնամուն հանձնվեցին մեր մերձարաքսյան բարեբեր հողերը, որ ապահովում էին Հայաստանին նաև հացահատիկով՝ տեսանելի ապագայում ունենալու ենք լուրջ խնդիր պարենի ապահովման հարցում: