Հարավային Կորեայի ամենամեծ ընդդիմադիր դեմոկրատական կուսակցությունը՝ «Տոբուրո»-ն, մտադիր է երկրի նախագահ Յուն Սեոկ Յոլին և պաշտպանության նախարար Կիմ Յոն Հյոնին մեղադրել պետական դավաճանության համար՝ ռազմական դրություն սահմանելու և դրա հետ կապված գործողություններին աջակցելու համար, հաղորդում է kommersant.ru-ն՝ Yonhap գործակալությանը հղումով:
«Տոբուրո»-ի հատուկ հայտարարության մեջ նշվում է, որ պետության ղեկավարի գործողությունները խախտել են սահմանադրությունը, և Յունը չի կատարել ռազմական դրություն հայտարարելու համար անհրաժեշտ պահանջներից և ոչ մեկը։
«Սա խռովության լուրջ ակտ է և իմփիչմենթի հիանալի պատճառ»,- ասվում է կուսակցության հայտարարության մեջ։
Նախօրեին՝ դեկտեմբերի 3-ին, Յուն Սեոկ Յոլը ռազմական դրություն էր մտցրել, արգելվել էր խորհրդարանի և քաղաքական կուսակցությունների աշխատանքը։
Պետության ղեկավարը դա պատճառաբանել էր երկրի ներսում «սահմանադրական կարգը կոմունիստական ուժերից պաշտպանելու և Հյուսիսային Կորեայի կողմնակիցներին արմատախիլ անելու, Հյուսիսային Կորեայի կողմից բխող սպառնալիքներից պաշտպանվելու անհրաժեշտությամբ»։ Խորհրդարանի դիմաց հավաքված ցուցարարների և իշխանությունների գործողություններից դժգոհ ցուցարարների միջև բախումներ են գրանցվել ռազմական ոստիկանության հետ։
Ավելի ուշ Ազգային ժողովը, որում 300 մանդատներից 170-ը պատկանում է «Տոբուրո» կուսակցությանը, քվեարկել է ռազմական դրությունը հանելու օգտին։ Կառավարությունը հավանություն է տվել այս քայլին: Սրա հետ ստիպված է եղել համաձայնել նախագահը։ Նախագահի ավագ օգնականները, ներառյալ նրա աշխատակազմի ղեկավարը և ազգային անվտանգության հարցերով խորհրդականը, զանգվածաբար հրաժարականի դիմումներ են գրել:
Նախագահը դեռ նոր հայտարարություններ չի արել։ Խորհրդարանում մեծամասնություն ունեցող «Տոբուրո»-ից նախագահի հակառակորդները նշել են, որ եթե նա հրաժարական չտա, իրենք իմպիչմենտի գործընթաց կսկսեն։
