«Ճանապարհ, որ տանում է արևմտյան Ադրբեջան» վերնագրով գիրք է հրատարակվել։
Հրատարակել է Ադրբեջանը՝ ռուսերեն, անգլերեն և ադրբեջաներեն։ Պատմության խեղաթյուրման, Հայաստանն իրենցով անելու, հայկական հետքը, պամությունն ու 5000-ամյա կենսագրությունը վերացնելու ևս մի քարոզչական գործիք, որն, անկասկած, ազդեցություն է ունենալու թե՛ ադրբեջանցիների, թե՛ օտարազգիների վրա։
Ադրբեջանը պետական մակարդակով ամենօրյա ծրագրված, համառ աշխատանք է տանում կեղծարարությունների, զրպարտանքի, խեղաթյուրումների, անօրինական մեղադրանքների միջոցով «ապացուցելու», թե իրենք մի հսկա տարածքի տերն ու տիրակալն են, բնիկներ են, իսկ հայերը՝ եկվոր և տիրացել են «իրենց երբեմնի հայրենիքին»՝ արևմտյան Ադրբեջանին, որ նույն Հայաստանի Հանրապետությունն է։
Եթե չկա պատասխան քարոզչություն, չկան հակափաստարկներ, ավելին՝ Հայաստանի իշխանությունները պետական ու պաշտոնական մակարդակով ընկրկում են ադրբեջանական հայատյաց քարոզչության առաջ ու չեն հանդգնում հակաադրբեջանական թեկուզ չնչին քայլ անել, հետևանքն էլ սա է լինելու՝ նվաճողականություն, տարածապաշտական նկրտումներ, ռազամատենչ հայտարարություններ, նոր պատերազմ։
Այս գիրքը թող կարդան այն պատմաբանները, որոնք հայկական դպրոցների համար գրել են 7-րդ դասարանի հայոց պամության դասագիրքը և դեռ արդարանում են, թե ինչու են Արցախը ներառել Ադրբեջանի կազմում այն ժամանակ, երբ Արցախը դեռ օկուպացված ու դատարկված չէր։ Իսկ իրենք արդեն Արցախը Ադրբեջանին էին նվիրել ու քարտեզները ըստ այդմ գծել։
Համեմատե՛ք ձեզ, հայ պատմաբաններ, ադրբեջանցիների հետ ու անկեղծ խոստովանեք՝ ո՞ւմ շահերին եք ծառայում։
