Պաղեստինն Արաբական պետությունների լիգայից արտակարգ հանդիպում է պահանջում
Ինքնավար Պաղեստինը պահանջում է Արաբական պետությունների լիգայի արտակարգ հանդիպում ու նիստ անցկացնել։
Հորդանան գետի Արևմտյան ափի Պաղեստինյան իշխանությունները կիրակի օրը հուշագիր են ներկայացրել՝ կոչ անելով Արաբական լիգայի ԱԳ նախարարների արտակարգ հանդիպում հրավիրել. հաղորդում է WAFA պաղեստինյան լրատվական գործակալությունը:
Արաբական պետությունների լիգայում Պաղեստինի ինքնավարության մշտական ներկայացուցիչ Մոհաննադ Աքլուկն ասել է, որ ինքը ներկայացրել է արտակարգ հանդիպման խնդրանքը «Պաղեստինի ժողովրդի դեմ Իսրայելի շարունակվող ագրեսիայի ֆոնին»՝ նշելով, որ Երուսաղեմի Ալ-Աքսա մզկիթը հարձակման է ենթարկվել։
