Արցախը Հայաստանին կապող ճանապարհը փակած ադրբեջանցիների տվյալներն ուսումնասիրելով՝ Իրավունքի և արդարության կենտրոն «Թաթոյան» հիմնադրամը պարզել է, որ ինչ-որ հկ-ների ղեկավարների անուններով հայտարարագրված ցուցարարներն ուղիղ ֆինանսավորվում են Ադրբեջանի կառավարությունից, «Հեյդար Ալիև» հիմնադրամից։
Նրանց մեջ կան զինվորականներ, «Գորշ գայլեր» ազգայնամոլների խմբի ներկայացուցիչներ։
«Ակնհայտորեն կատարվում է միակողմանի լուսաբանում՝ ադրբեջանական կողմին ձռնտու ձևով։ Միայն ադրբեջանական լրատվամիջոցները կարող են այնտեղ լինել, հայկական զլմ-ներից ոչ մեկն այնտեղ այցելել չի կարող, անգամ չեն կարող մոտենալ։
Ադրբեջանական լրատվամիջոցները միջազգային հանրությանն ամեն ինչ ներկայացնում են իրենց ձեռնտու տարբերակով։ Ակնհայտ է, որ սա նույնպես նախապես մշակված քայլ է։
120 հազար մարդու մեկուսացրել են։ Բայց սա միայն Արցախին ուղղված քայլ չէ, սա հայկականության, Հայաստանի դեմ է նաև ուղղված»,- ՄԱԿ-ի գրասենյակի մոտ, լրագրողների հետ ճեպազրույցում ասաց Արման Թաթոյանը։
