Մեր սպասելիքները պետք է երկարաժամկետ կառուցենք. ասաց ԱԺ-ի դիմաց «Հայաքվեի» աջակիցների հավաքի մասնակից Մենուա Սողոմոնյանը։
Զուգահեռ՝ «Հայաքվե» օրենսդարական նախաձեռնության նախագիծը քննարկվում էր ԱԺ պետաիրավական հանձնաժողովում։
Մենուա Սողոմոնյանի կարծիքով՝ ինչ էլ լինի, պետք է «Հայաքվեն»՝ որպես ժողովրդական նախաձեռնություն, միշտ տաք պահել։
«2021 թվականի ընտրություններում եթե 26 ուժերից մեկը նախընտրական ծրագրում գրած լիներ, որ հրաժարվելու է Արցախից, արցախցիներին չի համարելու ՀՀ քաղաքացիներ, Արարատ լեռը չի համարելու հայկական, որ կասկածելու է ՀՀ սահմանների սուվերենությանը, ոչ ոք չէր քվեարկի այդ քաղաքական ուժի օգտնին։
Քպ-ն իր ծրագրերը կառուցել է ժողովրդին տված խոստումների վրա, բայց դրժել է իր խոստումները, նշանակում է նա ժողովրդի քվերով յուրացրել է իշխանությունը։
Այսօր ՔՊ-ն հենց քաղաքական այդ վարքագիծն է դրսևորում, նա հրաժարվում է այն ամենից, ինչ մեզ է պատկանում»,- նշեց Մենուա Սողոմոնյանը։
