Բրյուսովի անվան համալսարանի բակում երիտասարդները տեղադրեցին Արցախի դրոշը, ապա՝ կարմիր ծուխ բաց թողեցին

15

News.am-ը գրում է.
Ընդդիմադիր երիտասարդները շարունակում են դրոշներով իրազեկման ակցիան երևանյան բուհերում։ Քիչ առաջ ակտիվիստները մտան Բրյուսովի անվան պետական համալսարան և «Ուսանո՛ղ զաթնի՛ր» կոչերով հորդորեցին ուսանողներին միանալ իրենց պայքարին։

Երիտասարդները հայտարարեցին, որ Արցախի դրոշը տեղադրում են համալսարանի բակում՝ ի նշան նրա, որ հայ երիտասարդը համաձայն չէ Արցախը Ադրբեջանին հանձնելու դիրքորոշմանը։ Համալսարանի բակում Արցախի դրոշը տեղադրելուց հետո նրանք կարմիր ծուխ բաց թողեցին։

Ավելի ուշ երիտասարդներից որոշները նստեցին Թումանյան փողոցի վրա` ճանապարհը փակելով։ Ոստիկանները, սակայն, սկսեցին բերման ենթարկել նրանց` փորձելով ճանապարհը բացել։

Նրանք տղաներին բերման ենթարկեցին, իսկ աղջիկներին հեռացնում են ճանապարհից։

Հիշեցնենք, որ ապրիլի 25-ից սկսած ընդդիմադիր երիտասարդները երևանյան բուհերում «Ուսանո՛ղ, զարթնի՛ր» կոչով ակցիաներ են իրականացնում՝ կոչ անելով միանալ իրենց պայքարին։

Նշենք, որ այսօր՝ ապրիլի 27-ին, երեկոյան ժամը 18.30-ին, գարեգին Նժդեհի արձանի մոտից կմեկնարկի «Դիմադրության շարժման» իրազեկման ակցիան։ Նախօրեին իրազեկման ակցիան մեկնարկել էր Սասունցի Դավթի արձանի մոտից: