Առաջարկում եմ և՛ առաջին, և՛ երրորդ նախագահին՝ միասնական պայքարել այս իշխանության դեմ, պայքարել ամեն օր և եթե մտադրված են պայքարել, ուրեմն սա բոլորի հաջողությունը կլինի: Այս մասին լրագրողի հարցին ի պատասխան ասաց ՀՀ երկրորդ նախագահ Ռոբերտ Քոչարյանը:
«Միասնական դաշինք ձևավորել-չձևավորելն ուղղակի պայքարելու տեխնիկաներից մեկն է, ես որոշել եմ ընտրությունների գնալ այս ձևաչափով: Միայն կողջունեմ, եթե նաև իրենք ամբողջությամբ, ամբողջ թափով, կարողություններով մտնեն պայքարի մեջ:
Այս պայքարն ունի երկու բաղադրիչ, մեկը՝ պայքար այս կործանարար իշխանության դեմ, մյուսը՝ այո, պայքար նաև իշխանության համար: Կարելի է պայքարել առաջին բաղադրիչով, չպայքարել՝ երկրորդով, աբյց այն, ով չի պայքարում այսօր այդ առաջին բաղադրիչով, ուղղակի դասալքություն է ցուցաբերում »,- նշեց Ռոբերտ Քոչարյանը:
