Ինձ համար ակնհայտ է, որ Հայաստանի Հանրապետության օրհներգը վաղ թե ուշ պետք է փոխվի, այն պետք է լինի հայկական, կապ ունենա մեր պետության ու հայկական երաժշտության հետ և լինի օրհներգի կանոններին համապատասխան. տելեգրամյան ալիքում գրել է ԱԺ նախագահ Ալեն Սիմոնյանը:
«Չեմ պնդում, որ այն պետք է փոխարինել մեծն Արամ Խաչատրյանի երաժշտությամբ, որը, ըստ իս, շքեղ է, անգերազանցելի և մաքսիմալ հայկական, բայց ակնհայտ է, որ առկա օտարածին օրհներգի փոփոխությունն անհրաժեշտություն է:
Իմ կարծիքով մենք նաև պետք է քննարկենք զինանշանի փոփոխության հարցը. առնվազն չի կարող Հայաստանը լինել ջրի տակ, ինչը պատիժ էր մարդկության համար, չի կարող առյուծը լինել ֆեյսբուքյան սմայլիկի նման, չի կարող Հայաստանը պաշտպանող սուրը լինել շղթայված»,- գրել է նա:
Ադրբեջանական լրատվամիջոցները ցնծում են՝ հրապարակելով, թե Հայաստանի ԱԺ խոսնակը հանդես է եկել երկրի հիմնն ու զինանշաբը փոխելու մասին հայտարարությամբ։
Թշնամի երկրի զլմները հիշեցնում են, որ ավելի վաղ Նիկոլ Փաշինյանն է քննադատել Հայաստանի զինանշանը։
