Փաշինյանը նորից գրառումներ է արել՝ իրար հետևից։ Դրանցից մեկում, Միքայել Սրբազանը դեռ Վեհարանում, արդեն կանխատեսել է, որ նրան 1-2 ամսով կալանավորելու են։
Նա հերթական անգամ մատնում է, որ դատաիրավական համակարգին հրահանգներ տվողն ինքն է, որ Հայաստանում անկախ, ինքնուրույն գործող որևէ կառույց, անձ գոյություն չունի։
Փաշինյանի գրառումները ներկայացնում ենք հաջորդաբար.
Ակնհայտ դարձավ, թե ովքեր են բախումներ հրահրում Մայր Աթոռում։ Տեսնելով, որ իրավապահները սադրանքների չեն տրվում իրենք իրենց մեջ անցան բռունցքների։
Բախումներ չեն լինելու։ Հայաստանյայց Առաքելական Սուրբ Եկեղեցու հավատավոր հոտը իր սրբության սրբոցը՝ Մայր Աթոռը, քրիստոնեաբար ազատելու է եւ Վեհարանը հանձնելու է Վեհի։
***
Ակնհայտ է, թե ինչու է թաքնվում իրավապահներից։
Եթե դատարանը մեկ կամ երկու ամիս կալանք սահմանի, առանց կնոջ ո՞նց է ապրելու «սրբազանը»։
***
Եւս մեկ աստվածաշնչյան պատվիրան խախտեց «սրբազանը»՝ հնազանդություն իշխանություններին, այսինքն՝ օրենքով սահմանված կարգով կայացված որոշումներին։
