«Հանուն Հանրապետության» կուսակցության փոխնախագահ Ռուբեն Մեհրաբյանը «Ֆեյսբուք»-ի իր էջում վիրավորական, արհամարհական խոսքեր է ասել Տավուշի թեմի առաջնորդ, «Տավուշը հանուն Հայրենիեի» շարժման առաջնորդ Բագրատ արքեպիսկոպոս Գալստանյանի հասցեին։
Նրան վրդովեցրել են Սրբազանի՝ Արամ Սարգսյանի հասցեին հնչեցրած հայտարարությունները:
«Ես էլ ուրիշների նման քեզ չեմ ասում՝ ռուսական շահերի սելին լծված եզ։ Ես էլ ուրիշների նման քեզ չեմ ասում՝ կիրիլի վաստակ։ Ես էլ ուրիշների նման քեզ չեմ ասում՝ աջը համբուրելը «կզցնելու» հետ խառնած սրբապիղծ բոսյակ։
Ես էլ ուրիշների նման քեզ չեմ ասում՝ անպատիվ հարամզադե։ Միայն կասեմ՝ խաչդ հանի, դա քոնը չէ։ Գնա չեկիստի՝ մուրճ ու մանգաղով ու Z-ով ֆուռաժկա հագի, որ ձեւն ու բովանդակությունդ ներդաշնակվեն։
Գնա ու գտի քեզ էս կյանքում, այ…. դա էլ չեմ ասում։ Տեսնում եք՝ չեմ ասում»,- գրել է նա:
Հայ հոգևորականի հասցեին Ռուբեն Մեհրաբյանի խոսքերը Azg.am-ը հրապարակում է՝ մեր ընթերցողներին տեղեկացնելու, թե Հայաստանում, մեր կողքին ապրող ինչպիսի գործիչներ կան, ինչ բառապաշար ունեն ու դեռ ինչքան կարող են իջնել ու ստորանալ։
Հիշեցնենք, որ Բագրատ Սրբազանը երեկվա հավաքի ընթացքում անդրադարձ է կատարել «Հանրապետություն» կուսակցության նախագահ, Վազգեն Սարգսյանի եղբայր Արամ Սարգսյանին։
Նա մասնավորապես հայտարարել է․ «Այս մարդը՝ Արամ Զավենի Սարգսյանը, այնքան համարձակություն ունի, ցինիզմով պարուրված, ես չեմ տեսել, բայց տեղեկատվությունը փոխանցել են, որ օրը 4 անգամ անընդհատ ինձ է անդրադառնում։ Հստակ ասում եմ՝ ես մյուսների պես քեզ չեմ ասելու՝ «մեր Սպարապետի քույր», «հոպլո», ինձ թույլ չեմ տա դրանք ասել քեզ, որովհետև չեմ ուզում վիրավորած լինեմ, բայց հստակ ասում եմ՝ ես եղբայր չեմ ուրացել, իմ եղբոր արձանը չեն պղծել, իմ սպարապետի արձանն են պղծել, իմ եղբոր վաստակը չեն փաթաթել և արծաթի հետ մի կշռի վրա դրել։
Մի մոռացիր՝ ոնց էիր խոնարհվում աջիս վրա՝ Գրետա հոգելույս մայրիկիդ ողջույները հղելով։ Այդ նույն խաչի մասին, որ խոսում ես, դա միայն քեզ ու քո նման դևերին է վախեցնում։ Խնդրում եմ, որ, ցեմենտից բացի, ուրիշ բաների մասին էլ մտածես կյանքում, այն ճանապարհը, որ դու անցել ես, որևէ մարդու այդ ճանապարհով կենսագրությունը ամոթ կբերեր, հնարավորինս պետք է գաղտնի պահել, որ մարդիկ չիմանային։ Շատ պարզ եմ ասում, նաև քո արբանյակներին եմ ասում՝ դուք ընդունակ չեք գաղափարի, դուք փողոցային մարդիկ եք։ Այդ մարդը անդադար տվայտանքների մեջ է, երևի ամենաշատը դրանից է դարդոտվել, աթոռից է զրկվել՝ վարչապետի է եղել երկրի, ծիծաղելի, էն էլ ում հաշվին, թող ինքը ասի»։
