Կրթության զարգացման պետական ծրագրում մեր հարևան երկրների լեզուն, մշակույթն ուսումնասիրելու հետ կապված ռազմավարություն է առաջ քաշվել։ ԿԳՄՍ նախարարի տեղակալ Ժաննա Անդրեասյանը նկատել է, որ հանրակրթական դպրոցական ծրագրում, պատմության դասագրքերում մեր հարևան երկրների մասին տեղեկությունները սահմանափակվում են միայն պատմական արձանագրություններով ու տեղեկություններով, ոչ ավելին։ Մինչդեռ մեր քաղաքական ու պետական շահը ձևակերպելու համար պետք է ճանաչենք առաջին հերթին մեր հարևան երկրներին, իմանանք՝ ինչ հնարավորություններ, ռեսուրսներ, նկրտումներ ունեն նրանք։
Հայտնի է, որ Ադրբեջանի դպրոցներում էլ են անցնում հայերեն, իսկ հայագիտությունն այդ երկրում բարձր հիմքերի վրա է դրված։ ԿԳՄՍ նախարար Վահրամ Դումանյանը, սակայն, հայտարարել է, որ ադրբեջաներն ու ադրբեջանագիտությունը մեզ համար առաջնահերթություն չեն։ «Ադրբեջանագիտության հարցով թող զբաղվեն բուհերը»,-ասել է նախարար Դումանյանը։
Փետրվարի 23-ի կառավարության նիստից հետո՝ ճեպազրույցի ժամանակ, նա կրկնել է, որ ադրբեջաներենի ուսուցումը կրթական օրակարգային հարց չէ, որոշ դպրոցներում միգուցե անցնեն վրացերեն։ Նա նաև հավելել է, որ Ադրբեջաբնում հայերեն լավ գիտեն։
