Մարտի 18-ի առավոտյան արդեն հայաստանյան առցանց ԶԼՄ-ները՝ դրանց թվում նաեւ azg.am-ը տարածել էին Վարդան Օսկանյանի ֆբ-ի գրառումը՝ իրազեկելով, որ Շվեյցարիայում SOCAR-ի դեմ հայց է ներկայացվել՝ էթնիկ զտումները ֆինանսավորելու հիմքով: Այժմ Ադրբեջանի դեմ շարունակական պայքարի այս ծանրակշիռ լծակն են ընտրել ԼՂ հայերի հիմնարար իրավունքների պաշտպանության ջատագով՝ Քրիստոնեական համերաշխության միջազգային կազմակերպության (CSI) ներկայացուցիչ Ջոյել Ֆելքամփը, Շվեյցարիա- Հայաստան ընկերակցության նախագահ Սարգիս Շահինյանը (վերնագիր ենք դարձրել նրա ձեակերպումը) եւ ԼՂ ժողովրդի հիմնարար իրավունքների պաշտպանության կոմիտեի անդամ Գառնիկ Քերքոնյանը, որ նույն օրը Ժնեւի մամուլի ակումբում ասուլիս էին հրավիրել՝ Շվեյցարական խաղաղության նախաձեռնության մեկ տարվա ընթացքում գործունեության մասին ամփոփ հիշատակմամբ: Մեկ տարի առաջ Շվեյցարիայի Դաշնային ժողովի 2 պալատներն էլ միջնորդություն ընդունեցին, որով ԱԳ դաշնային դեպարտամենտին հանձնարարվում էր Ադրբեջանի և ԼՂ-ի ժողովրդի ներկայացուցիչների միջև խաղաղության ֆորում կազմակերպել: Մեկ տարի անց նման ֆորում դեռևս չի գումարվել: Ասուլիսին առցանց միանալու հրավերն ընդունել էին «Ազգ»ն ու «Առավոտ»ը: Վերջինս առցանց տարբերակում նույն օրն արդեն լուսաբանել է ասուլիսում հնչած ելույթների կարեւորը, նաեւ մեր հարցերին տրված պատասխանները, որոնց, տեղի սղությամբ պարտադրված՝ կանդրադառնանք «Ազգի» առաջիկա համարում:
ԱՆԱՀԻՏ ՀՈՎՍԵՓՅԱՆ
Գերմանիա
Լուսանկարը՝ csi-ի
