Երվանդ Ազատյանը մեր դասական Սփյուռքի ամենահայտնի մտավորականներից է, ով տասնյակ տարիներ իր հոդվածներով անդրադառնում է Հայ ժողովրդի կյանքում տեղի ունեցող քաղաքական ու հասարակական իրադարձություններին, որոնք մեր ժամանակների քրոնիկոնն են ու ցույց են տալիս ժողովրդի կյանքում տեղի ունեցող պատմական իրադարձությունները։
Գրքի շնորհանդեսը վարում էր բանասեր, գրականագետ, հրապարակախոս Երվանդ Տեր Խաչատրյանը, որը մանրակրկիտ կերպով անդրադարձավ “Ազգային-Քաղաքական Յորձանուտի մեջ” վերնագրված գրքին։ Այս աշխատության մեջ զետեղված են հեղինակի խմբագրականները, որոնք գրվել են Բոստոնում լույս տեսնող “Պայքար” շաբաթաթերթի համար։
“ԱԶԳ” թերթի գլխավոր խմբագիր Հակոբ Ավետիքյանը նշեց, որ հեղինակի միայն “The Armenian Mirror-Spectator” տպագրված հոդվածներով կարելի է 10-12 գիրք հրատարակել: Այդ հոդվածներից շատերը կարող են մնայուն համարվել, քանի որ հեղինակը դրանց մեջ, ապագան գուշակողի նման, պատկերացրել է թե ինչ կարող է տեղի ունենալ Հայ ժողովրդի կյանքում։
Գրականագետ, թարգմանիչ Հենրիկ Բախչինյանը իր խոսքում նշեց, որ գրքի շատ հոդվածներին ինքը ծանոթ է դեռ ԱԶԳ թերթից։ Բախչինյանը նշեց, որ չնայած ինքը ատում է քաղաքականությունը, սակայն պրոֆեսիոնալ խոսքին, գիտակ մարդու խոսքին չի կարող ունկնդիր չլինել։
Շնորհանդեսի վերջում ելույթ ունեցավ գրքի հեղինակը՝ գրող, հրապարակախոս Երվանդ Ազատյանը, որը շեշտեց, որ երբեք ինքն իրեն չի հարցրել թե ինչու է գրում, սակայն գրքի նախաբանում Հակոբ Ավետիքյանը մեջ էր բերել Դեկարտի խոսքերը “կխորհիմ հետևաբան գոյություն ունեմ” խոսքերը և այս միքտը փոխադրելով ստեղծգործական տիրույթ գրել էր “կգրեմ հետևաբան գոյություն ունեմ”։
Մանրամասները տեսանյութում, –
