Մենք լրջորեն պատրաստվելու կարիք ունենք, միջազգային ահաբեկչությունը Թուրքիայի միջոցով մտնելու է նաև մեր երկիր՝ նպատակ ունենալով գրավել Սյունիքը. Հոխիկյան

Տարածաշրջանային հարցերով փորձագետ Նաիրի Հոխիկյանը գրում է.

Հիշո՞ւմ եք, երբ ասում էի, որ Արցախից հետո Իրանն է ենթարկվելու թուրքական ագրեսիայի։ Աֆղանստանը փաստացի հայտնվեց ահաբեկչական խմբավորման ձեռքում, իշխանությունը փոխանցվեց թալիբներին, իսկ Քաբուլում ԱՄՆ-ին փոխարինելու է թուրքական զորքը, որը չի պատրաստվում կռվել թալիբների դեմ։

Ավելին՝ Թուրքիան բանակցում է ահաբեկիչների հետ՝ համագործակցության հեռանկարով։ Ներքևի քարտեզում պարզ երևում է, թե որտեղ է Աֆղանստանը և ինչ նշանակություն ու վտանգ ունի Իրանի համար։

Երբ տարվա սկզբին աղաղակում էի ԱՄՆ նոր իշխանության նվաճողական ծրագրերի մասին ու մատնանշում Իրանը, հենց այսպիսի սցենարներ նկատի ունեի https://www.facebook.com/nhokhikyan/posts/10157938901893831։

Բայդենը արդեն հստակ գործողությունների է անցել։ Հեռու չէ այն օրը, երբ ահաբեկչական խմբավորումները կներթափանցեն Իրան և կսկսեն նաև այդ երկում անկայունություն ստեղծել։ Նրանց կմիանան հյուսիսից՝ Արցախի գրավյալ շրջաններից Իրան մտնող սիրիացի ահաբեկիչները https://youtu.be/kDUg6z3z-Sc։

Շարունակում եմ կրկնել՝ մենք լրջորեն պատրաստվելու կարիք ունենք, միջազգային ահաբեկչությունը Թուրքիայի միջոցով մտնելու է նաև մեր երկիր՝ նպատակ ունենալով գրավել Սյունիքը։