Ճանաչված գիտնական Ստեփան Պապիկյանի գիտական աշխատությունները մեծ հետաքրքրություն ունեն ընթերցողների շրջանում:
14.03.22թ-ից մինչեւ 31.03.22թ-ը Նորարարության եւ Ձեռներեցության ազգային կենտրոնի Գյումրու մասնաճյուղի գրադարանի ընթերցասրահում կազմակերպվել է էներգետիկայի բնագավառի անվանի գիտնական, բազմաթիվ ակադեմիաների իսկական անդամ, գրող, խմբագիր, հրապարակախոս, հասարակական գործիչ Ստեփան Պապիկյանի գրքերի ցուցահանդեսը:
Նա հեղինակ է ավելի քան 200 գիտական աշխատությունների, որոնք վերաբերվում են ջերմային եւ ատոմային էլեկտրակայանների, ջերմամատա-կարարման համակարգերի ռեժիմային, էկոլոգիական, հուսալիության եւ աշխատանքի արդյունավետության բարձրացման հարցերին: Ընթերցողները հնարավորություն ունեն ծանոթանալու գիտնականի աշխատանքներին:
Ուրախալի է, որ Ս.Պապիկյանը ակտիվ աշխատող գիտնական է եւ ճանաչված է ոչ միայն մեր հանրապետությունում, այլեւ արտերկրում:
