Մերօրյա խառնակ ժամանակներում Հայաստանը դժվարանում է ելք գտնել եւ ճիշտ կողմնորոշվել դեպի հյուսիս, հարավ, արեւմուտք, թե արեւելք ընտրության հարցում: Հեղինակը համարում է, որ պետք է ականջալուր լինել մեր մեծերին, հետեւել նրանց խորհուրդներին, որոնք մատնանշված են նրանց գրական երկերում:
Ահա մեր մեծանուն գրող Հրանտ Մաթեւոսյանը նշում է. «Եթե ծով ես դուրս եկել ու խորտակվելու վտանգ կա, ապա մեղավորը փոթորիկը չէ, այլ դու, որ հարկ չես համարել խարիսխ վերցնել»:
Համանման առիթով գրողը հիշում է, որ հիքսոսները, որոնք իրենց հայ են համարել, մշտապես զինվել են, պատրաստվել ամեն կերպ դիմագրավելու թշնամուն:
Գրքույկում անդրադարձ կա նաեւ անցած դարասկզբին կատարված ողբերգական իրադարձություններին, նվիրյալներին,ովքեր ստանձնեցին հայ որբերին խնամելու շնորհակալ գործը, մեր օրերում թշնամու դեմ հայ զինվորի մղած սխրանքին, մշակույթին, նրա պահպանության անհրաժեշտությանը:
