ԳԴՀ ներքին գործերի նախարար Նենսի Ֆեզերը (Nancy Faeser) հունիսի 15-ին մի խմբակային լուսանկար հրապարակեց թվիթերում, ինչպես նաեւ նախարարության պաշտոնական էջում, որտեղ իր թիկունքում աշակերտներից ոմանք ծայրահեղ աջերի խորհրդանիշներ էին ցույց տվել: Նրանցից մի քանիսը՝ թուրքական ֆաշիստական՝ «գորշ գայլերի» մատնանշանով: 2020-ին Ֆրանսիան արգելեց այդ կազմակերպությունը, Ավստրիան 2019-ին արգելեց նրանց խորհրդանշանի գործածությունը, նաեւ՝ երեք կիսալուսինը, իսկ Գերմանիայում դրանք լեգալ են, գրում է «Դեր թագեսշպիգելը»: Ֆեզերը լուսանկարին կից քաջալերելով գրել էր, թե Ժողովրդավարության նախագծերից մեկում աշակերտների՝ հասարակական- քաղաքական ակտիվությունը կարեւոր է՝ առանց ուշադրություն դարձնելու խորհրդանիշներին: Երեկ նախարարության էջից ջնջվեց լուսանկարը, իսկ քննադատությանն ի պատասխան դատապարտող հայտարարություն արվեց: Դեռ զարգացումներ կլինեն:
ԱՆԱՀԻՏ ՀՈՎՍԵՓՅԱՆ, Գերմանիա
