Էլեկտրաէներգիայի արտադրության արդյունավետության բարձրացման նպատակով շարունակվում են արդիականացվել ՀԱԷԿ-ի հովացման աշտարակները:Արդեն պատրաստ է շահագործման թիվ 1 հովացման աշտարակը: Արդյունքում մինչեւ 15ՄՎտ-ով կավելանա էլեկտրաէներգիայի արտադրության ցուցանիշը: Այժմ ընթանում են 3-րդ աշտարակի հիմնանորոգման աշխատանքները:
Հարկ է նշել,որ Հայկական ԱԷԿ-ը բաղկացած է երկու էներգաբլոկներից` ՋՋԷՌ-440 տիպի (-270 մոդելի) ռեակտորներով: ՀԱԷԿ-ի առաջին էներգաբլոկը արդյունաբերական շահագործման հանձնվեց 1976թ-ին, իսկ երկրորդը` 1980թ-ին: Էներգաբլոկների դրվածքային հզորությունը կազմում է 407,5ՄՎտ, շահագործման նախագծային ժամկետը` 30 տարի: 2023թ. միջին ամսական էլեկտրական բեռնվածքը կազմել է 422,7ՄՎտ:
Շինարարական աշխատանքները կատարում են «Մ-Գրուպ» ընկերության աշխատակիցները, իսկ վերահսկողությունը՝ ՀԱԷԿ-ի մասնագետները:
2018թ-ին ՀԱԷԿ-ը արտադրել է հանրապետությունում էլեկտրաէներգիայի ընդհանուր արտադրության 36%-ից ավելին: Ներկայումս իրականացվում են մինչեւ 2026թ. շահագործման ժամկետի երկարացման եւ հիմնավորման աշխատանքներ:
ՍՏԵՓԱՆ ՊԱՊԻԿՅԱՆ
