«Թեքեան Կենտրոն» հիմնադրամը սիրով հրավիրում է
ԱՐԱՐԱՏԸ հայի աչքերով
լուսանկարների միջազգային ցուցահանդեսի բացմանը, որը կկայանա
ս.թ. հոկտեմբերի 29-ին՝ ժամը 15:00-ին,
Թեքեյան Կենտրոնի ցուցասրահում
Երեւան, Խանջյան 50
Հեռ. +374 10 573057
www.tekeyancentre.am/info@tekeyancentre.am
Ի դեպ, ԹԿ հիմնադրամի «Արարատը հայի աչքերով» ցուցահանդեսն առաջին անգամ բացվել է 2016 թ. Երեւանում, Թեքեյան կենտրոնում, այնուհետեւ ՀՀ Անկախության հռչակման 25-րդ տարեդարձի առթիվ Արցախում՝ Շուշիի արվեստի կենտրոնում:
2017 թվականից սկսվել են ցուցահանդեսի միջազգային ցուցադրությունները. հավաքածուն ներկայացվել է Տոկիոյում, Պեկինում, Շանհայում, Սեուլում, Բեռլինում:
Լուսանկարները ներկայացնում են հայ ազգի խորհրդանիշը՝ բիբլիական Արարատ լեռը. արվեստագետների յուրատեսակ ընկալումներով՝ տարվա բոլոր եղանակներին, լուսային ու գունային զանազան լուծումներով, սահմանի այս եւ այն կողմից, նույնիսկ երկնքից:
Արարատն իր գեղեցկությամբ ու վեհությամբ դարեր շարունակ եղել է հայ ստեղծագործողների ոգեշնչման աղբյուրը: Առեղծվածային էությամբ այս լեռը հայ ինքնության եւ գոյության, ցավի եւ ուժի, անկախության եւ հպարտության խորհրդանիշն է:
Յուրաքանչյուր հայ յուրովի է բացահայտում Արարատի հմայքը:
