Նախորդ համարում տեղեկացրել էինք մեր աշխատակից Հովիկ Աֆյանի հաջողության մասինՙ TCK Publishing-ի կազմակերպած միջազգային մրցույթին տարվա «Լավագույն գեղարվեստական գիրք» անվանակարգում իր «Կարմիր» վեպով առաջին մրցանակի արժանանալու առթիվ: Այդ փաստը ճշմարիտ ոգեւորություն է պատճառել նաեւ մեր հայտնի մտավորական, հմուտ գրականագետ ու գրադատ Երվանդ Ազատյանին, որ «Ազգ»ի միջոցով շնորհավորական հետեւյալ նամակն է ուղարկել երիտասարդ ու տաղանդավոր գրողին:
05.12.2021
Սիրելի Յովիկ,
Գոհունակութեամբ իմացայ, որ քու «Կարմիր» վերնագրեալ վէպդ արժանացած է «Լաւագոյն գեղարուեստական» գիրքի կոչումին, միջազգային հարթակի վրայ:
Այս յաջողութիւնը երբեք չի զարմացներ զիս, այլՙ ընդհակառակն, կ”ուրախացնէ անսահման կերպով, որովհետեւ իմ միտքիս մէջ գրաւ էի դրեր, որ դուն, քու գրիչդ եւ քու գրականութիւնդ անպայման տեղ պիտի հասնին:
Քու առաջին իսկ յօդուածով գրաւուած եմ նիւթերու եւ խնդիրներու մօտենալու քու արտակարգօրէն եզակի եղանակով:
Քու սերվանդէսեան անսահման զուարթախոհութեան (հումոր) աշխարհը, քու ծանօթութեանց ծաւալուն տարածքը եւ այդ բոլորը արդիական գրողի խմորով եւ տեսիլքով իմաստալի կիզակէտի յանգեցնելը բացայայտումներն են ինքնատիպ տաղանդի մը: Մեր փոքրիկ այգիէն դուրս ալ, աշխարհի գրականութիւնը տարբեր տարազ մը ունի, եւ դուն տեսանողն ես այդ տարազին:
Յաճախ կարդալով քու գրութիւնները զգացած եմ, որ դուն Հրանդ Մաթեւոսեանի նման գրողի մը ճամբուն վրան ես, սակայն նաեւ համոզուած եմ, որ այդ տակաւին վախճանական սահման մը պիտի չըլլար քեզի համար:
Կ”ողջունեմ գիրքդ եւ յաջողութիւն չեմ մաղթեր, որովհետեւ արդէն այդ յաջողութիւնը քու ձեռքերուդ մէջ է:
Կը շնորհաւորեմ քեզ եւ անձնապէս երջանիկ կը զգամ, որ քու այսօրը իմ մէջ գիտակցութիւն եղած է քու տաղանդդ ճանչնալու առաջին օրէն:
Բարեկամաբարՙ
