Մեծարգո խմբագիր,
Օրերս գնահատելի լուր ունեցանք. Լիբանանի պետական Համալսարանի հանգստի կոչված դասախոսների լիգան գումարեց ընդհանուր ժողով եւ ընտրեց նոր կազմ: Ժողովի նախագահՙ դոկտոր Գրիգոր Գրիգորյանը իր ելույթում շնորհակալություն հայտնեց նախկին վարչությանը ծավալած գործունեության համար:
Նա ընդգծեց, որ Լիբանանյան համալսարանի հանգստյան կոչված դասախոսների լիգան հետեւողականորեն աշխատանք է տանում նրանց բժշկական խնամքի եւ այլ հարցերում իրավունքների պաշտպանության գործում: Աշխատանքները հնարավոր է իրականացնել կրթական մարզի եւ այլ սինդիկատների հետ միասնաբար գործելու արդյունքում:
Ապա ընտրվեց վարչության նոր կազմ: Նորընտիր վարչության նախագահն էՙ դոկտ. Շպիպ Տիապը , դոկտ. Անթուան Սայեհը (փոխնախագահ), դոկտ. Թաղրիտ Պայտուն , դոկտ. Ժաաֆար Ապտել Խալեքը , ինչպես նաեւ լիգայի 8 անդամներ, որոնց շարքում է դոկտ. Գրիգոր Գրիգորյանը:
Քանի որ երկար տարիներ տողերիս հեղինակը բարեկամական կապերի մեջ է եղել Լիբանանի պետական համալսարանի հետ, իր սեպուհ պարտքն է համարում շնորհավորել նորընտիր լիգայի բոլոր անդամներին: Հավելելով, որ Տիապ ընտանիքը տարիներ շարունակ սատարել է Լիբանանի հայ համայնքին եւ միշտ եղել է Հայաստանի Հանրապետության կողքին:
ՌՈՄԵՆ ԿՈԶՄՈՅԱՆ
