ՄԻԱՑՅԱԼ ՆԱՀԱՆԳՆԵՐԻ ԵՎ ԿԱՆԱԴԱՅԻ ԹԵՔԵՅԱՆ ՄՇԱԿՈՒԹԱՅԻՆ ՄԻՈՒԹՅԱՆ ՀԱՅԱՍՏԱՆՅԱՆ ՆԵՐԿԱՅԱՑՈՒՑՉՈՒԹՅՈՒՆ
Միացյալ Նահանգների եւ Կանադայի Թեքեյան Մշակութային միությունը միացավ «Սյունիք- Զարգացում» Հ/Կ Համայնքային «Մեղվաբուծության զարգացում» սոցիալական ծրագրին:
2020թ. սեպտեմբերյան 44-օրյա Արցախյան պատերազմից հետո հարկադրաբար տեղահանվելով Բերձոր քաղաքից բնակություն են հաստատել Եղեգնաձոր քաղաքում եւ Վայոց Ձորի գյուղերում:
Մոնրեալի ԹՄՄ ընկերները, օգնելու նպատակով Բերձորից տեղահանվածներին եւ զբաղվածություն ապահովման նկատառումներից ելնելով առաջարկեցին միանալ Սյունիք- Զարգացում Հ/Կ Համայնքային «Մեղվաբուծության զարգացում» սոցիալական ծրագրին: Ծրագիրը շուրջ 25 տարի հաջողությամբ օգնում է մարզում զարգացնել մեղվաբուծությունը, այգեգործությունն ու անասնապահությունը: Ընդգրկվում են այն ընտանիքները, որոնք նշված ճյուղերում աշխատանքային փորձ կամ հմտանալու կարողություններ են դրսեւորում:
2021 թվականի մայիսի 10-ին Միացյալ Նահանգների եւ Կանադայի Թեքեյան Մշակութային միության հայաստանյան ներկայացուցչության տնօրեն Գայանե Մուրադյանը հանդիպեց Եղեգնաձոր քաղաքի Սյունիք- Զարգացում Հ/Կ աշխատանքային խմբի հետ:
Հանդիպման ընթացքում ներկայացվեց Միացյալ Նահանգների եւ Կանադայի ԹՄՄ բազմաշերտ գործունեությունը ինչպես սփյուռքյան մասնաճուղերում, այնպես էլ Հայաստանյան ԹՄՄ ու Վահան Թեքեյանի անունը կրող դպրոցներում:
Ստորագրվեց համագործակցության երկկողմ պայմանագիր սոցիալական «Մեղվաբուծության զարգացման» ծրագրին մաս կազմելու եւ աջակցելու մասին:
Ծրագրի հետագա գործունեությանը կանդրադառնանք առաջիկայում, երբ ընտանիքներին կտրամադրվեն փեթակներ, մեղվաընտանիք եւ անհրաժեշտ այլ պարագաներ:
