ՃԱՆԱՊԱՐՀԵՆՔ ՀԻՆԸ, ԴԻՄԱՎՈՐԵՆՔ ՆՈՐԸ

4

Նախորդ տարվա մեր վերջինՙ տոնական համարի 1-ին էջում, մեր տաղանդավոր երգիծանկարիչըՙ Սուքիաս Թորոսյանը, նույնինքն Toto-ն, մարգարեացել էր. Ձմեռ պապը լայն բացել էր 2020-ի դարպասները եւ թողել, որ առնետները մտնեն ներս: Դա covid-19-ի առնետներն էին, որոնց անզոր եղավ մեր կառավարությունը դիմադրել: Կառավարությունը անզոր եղավ նաեւ ավելի վտանգավոր, ավելի մահաբերՙ պատերազմի առնետներին դիմադրելու:

Փակենք աղետաբեր տարին ու բացենք նորը: Հավաքենք մեր ուժերը, վերականգնենք մեր կամքը, մեր հավատը, մեր դիմադրողականությունը: Թող գա Բարին, «տոնական» կոչվող այս օրերին երախտագիտությամբ հիշենք մեր զոհված տղաներին, օգնենք նրանց եւ անհետ կորածների ընտանիքներին: Հեռո՛ւ մեզնից բոլոր ճոխությունները, ուրախացնենք մանուկներին, նաեւՙ մեր վիրավոր մարտիկներին, օգնենք տեղահանվածներին, լարենք մեր ուժերը:

Մեր առաջիկա համարըՙ 2021 հունվարի 16-ին: Մինչ այդՙ Տերը մեզ հետ: