ԷՐԴՈՂԱՆԸ ՄԱՏՆԵԼ Է ԳԱՂՏՆԻՔԸ

Պարզվում էՙ Թուրքիայի եւ Ադրբեջանի հետ հարաբերություններ հաստատելու մասին Հայաստանի իշխող շրջանակից հնչող դեռեւս կենտ կարծիքներն այնքան էլ ծուխ չենՙ առանց կրակի, ինչ-որ բաներ մեր ժողովրդի թիկունքում, այնուամենայնիվ, տարածաշրջանային խաղացողները պայմանավորվում են: Այլապես երեկ Բաքվում Թուրքիայի նախագահը չէր ակնարկի ՌԴ նախագահ Պուտինի մոտեցումներին իր համաձայնության մասին, ըստ որոնց պետք է ստեղծվի տարածաշրջանային համագործակցության հարթակ, որում կարող են ընդգրկվել Ռուսաստանը, Թուրքիան, Ադրբեջանը, Իրանը, Վրաստանը, եւ, եթե համաձայնի, Հայաստանը: Այ քո տունը չշինվի, Էրդողան, Էնվեր ես հիշում, կրտսեր եղբորդ հետ աչքդ գցում ես Զանգեզուրին ու դեռ Հայաստանի անուն ե՞ս տալիսՙ նշելով, թե հայ ժողովրդի հետ խնդիր չունի Թուրքիան, խնդիրները Հայաստանի ղեկավարության հետ են: Աղվե՛ս: