ԽԱՂԱՂԱՊԱՀՆԵՐԻ ԹԵՄԱՆ ՀԱՊԿ-ՈՒՄ ՔՆՆԱՐԿՎՈ՞ՒՄ Է

Խաղաղապահների եւ կամ դիտորդների մասին խոսակցությունը, որ սկսել էր ՌԴ արտգործնախարար Սերգեյ Լավրովն իր վերջին հարցազրույցում, երեկ շարունակել է Կրեմլի խոսնակ Դմիտրի Պեսկովը ՙ կասկած հայտնելով, թե արդյոք պատրա՞ստ են դրան Հայաստանն ու Ադրբեջանը, իսկ առանց կողմերի համաձայնության խաղաղապահների մասին խոսակցություն չի կարող լինել: ՀԱՊԿ գլխավոր քարտուղար Ստանիսլավ Զասն էլ Բելառուսի նախագահի հետ հանդիպման ժամանակ խոսքի մեջ նշել է, թե ՀԱՊԿ-ում ակտիվ քննարկվում է Ղարաբաղ խաղաղապահներ ուղարկելու հարցը: Հիշեցնենք, որ եթե ՀԱՊԿ անդամ Հայաստանն այս կազմակերպությանը դիմի, հնարավոր կլինի խաղաղապահ ուժեր ուղարկել Ղարաբաղ, եթե դա որոշեն ՀԱՊԿ խորհրդում, դրանից հետո դիմեն ՄԱԿ-ի Անվտանգության խորհուրդՙ համապատասխան մանդատ ստանալու: Այդ բոլորի հետ պետք է համաձայնեն հակամարտության կողմերը: Մնում է հասկանալՙ հայերիս դա պետք է, թե՞ ոչ: