Արեւիկ Քեշիշյան
Հնարավոր է, որ Շենգենյան գոտու մեջ մտնող եվրոպական երկրների սահմանները փակ մնան մինչեւ աշուն։ Այս կարծիքն է արտահայտել Ֆրանսիայի նախագահ Էմանյուել Մակրոնը։ Նրա ուղերձը հնչել է արհմիությունների ղեկավարների հետ դռնփակ տեսազրույցի ժամանակ։ Քաղաքական գործիչը հանդես է եկել բավական հոռետեսական ոգով եւ ասել է, որ հարկավոր է պատրաստ լինել ավելի երկար ինքնամեկուսացման։ Ֆրանսիայի նախագահը մտադիր է ապրիլի 13-ին հանդես գալ ազգին ուղղված դիմումով։ Հենց այդ ժամանակ էլ Մակրոնը կհայտարարի սահմանները փակ պահելու ժամկետների մասին։ Ավելի վաղ, ինչպես գրում է news.ru-ն, ԵՄ պետությունների ղեկավարները համաձայնեցրել էին Եվրոմիություն մուտք գործելու երեսնօրյա արգելքը։
