http://yerevan.today/all/politics/52348
«Գոլոս Արմենիի»-ն հրապարակել է (https://www.golosarmenii.am/article/100055) գեներալ-լեյտենանտ, քաղաքագիտության դոկտոր, պրոֆեսոր Հայկ Քոթանջյանի բաց նամակը Հայաստանի ղեկավարությանը, որում ասվում է․
«Հայաստանի Հանրապետության Մեծարգո Նախագահ պարոն Արմեն Սարգսյան եւ Հայաստանի Հանրապետության Մեծարգո Վարչապետ պարոն Նիկոլ Փաշինյան:
Տարածաշրջանում ծառացած համաճարակի եւ տարածաշրջանային պատերազմի մարտահրավերների արտակարգ պայմաններում Հայաստանի, Արցախի եւ Համաշխարհային Հայության համախմբման շահերից ելնելովՙ պատիվ ունեմ դիմելու Ձեզ հետեւյալ խնդրանքով:
Հաշվի առնելով կորոնավիրուսային համաճարակի հոլովույթում առաջատար պետությունների առաջնորդների, ինչպես նաեւ միջազգային կազմակերպությունների մարդասիրական մղումը` ողղված ռիսկային խմբերում գտնվող անձանց կալանավայրերից ազատմանը (60 տարեկանից բարձր), նպատակահարմար է, որ ՀՀ իշխանությունները նախաձեռնեն ՀՀ Երկրորդ Նախագահ Ռոբերտ Քոչարյանի կալանավայրից ազատ արձակումըՙ օրինաչափության հիման վրա (նա 65 տարեկան է եւ բժշկական հաստատության ախտորոշման համաձայն բուժման կարիք ունի):
Ռիսկային խմբում գտնվող ՀՀ երկրորդ նախագահ Ռոբերտ Քոչարյանի ազատ արձակումը կլինի միջազգային հանրության մղումներին համահունչ հումանիտար քայլՙ ուղղված կորոնավիրուսային համաճարակի եւ անվտանգային մարտահրավերների պայմաններում հայ հանրության համախմբմանը:
Հ.Գ.
Պատիվ ունեմ տեղեկացնելու, որ համաշխարհային ճգնաժամի պայմաններում պատիվ եմ ունեցել ներկայացնելու Հայաստանի հանրության համախմբմանը նպատակաուղղված իմ դիմումը ՀՀ Մեծարգո Նախագահ պարոն Ս. Սարգսյանինՙ 2008 թ. մարտի մեկի գործով կալանավորվածներիՙ այդ թվում Նիկոլ Փաշինյանի ներման խնդրանքով» :
