| ՌԱՖԻԿ ՀՈՎՀԱՆՆԻՍՅԱՆ, Հայաստանի վաստակավոր լրագրող Խոսքը այսպես կոչված Ստամբուլյան կոնվենցիայի մասին է. որի շուրջ նոյեմբերի առաջին օրը Ազգային Ժողովում փակ քննարկում էր կազմակերպվել: Հենց այն, որ քննարկումը փակ էրՙ բացասաբար ընդունվեց հասարակական լսարանի կողմից: Մոտեցումները իրարամերժ էին: Սոցիալական հարցերի նախարար Զարուհի Բաթոյանն , օրինակ, գտնում էր, թե Կոնվենցիան անպայման պետք է վավերացնել: Քանզի դրա տակ Հայաստանի նախորդ իշխանություններն արդեն իսկ դրել են մեր երկրի ստորագրությունը: Ըստ իսՙ խախուտ հիմնավորում էր, որովհետեւ այդ ե՞րբ է եղել, որ ներկա իշխանությունները սրբորեն հետեւել են նախորդների հանձնառություններին: Ավելի լավ, որ իրենք այդ փաստաթուղթը չեն նախաստորագրել: Կարող են հենց այդ պատճառաբանությամբ հրաժարվել Կոնվենցիայի վավերացումից: Մի՞թե քիչ է եղել, որ այս կամ այն երկիրը այս կամ այն միջազգային փաստաթղթի տակ նախապես դրել է իր ստորագրությունը, բայց հետագայում հրաժարվել է սեփական օրենսդիր մարմնում դա վավերացնել: Թուրքիան մեզ օրինակ: Հաշվի առնելով փաստաթուղթը վավերացնել-չվավերացնելու հարցի շուրջ մեր հասարակության մեջ առկա տարակերպ մոտեցումները, ըստ իս, կարելի է փաստաթուղթը վավերացնել… վերապահումներով: Եթե, ինչ խոսք, այդպիսի պրակտիկա կա: Օրինակ, նշել, որ տվյալ Կոնվենցիայի այս կամ այն կետը Հայաստանը չի ընդունում, հետեւաբար այդ կետը մեր երկրում չի գործելու: Նկատի ունեմ նույն նոյեմբերի 1-ին կազմակերպված բնողոքի ցույցերը, որի մասնակիցները, ըստ իսՙ միանգամայն իրավացիորեն նշում էին, թե հիշյալ Կոնվենցիայում կան կետեր, որոնք հակասում են մեր ազգային ավանդույթներին, մեր հազարամյա նիստուկացին:Այդպիսիներից է այսուհետ ամուսիններին ոչ թե այր ու կին, այլ զուգընկերներ համարելու մոտեցումը: Դա, փաստորեն, նշանակում է միասեռ ամուսնությունների պետական գրանցման օրինականացում: Չգիտեմ ով ինչպես, բայց անձամբ ես խորշում եմ այդպիսի հնարավորությունից: Հայ Առաքելական Սուրբ Եկեղեցին նույնպես գտնում է, թե ամուսիններ կարող են համարվել միայն կինն ու տղամարդը, եւ երբեւէ չի օրհնի միասեռ ամուսնությունները: Իսկ եթե Եկեղեցին չի օրհնել տվյալ չակերտյալ «ամուսնությունը», ապա դրա հետեւանքով ստեղծված ընտանիքը չի կարող լիարժեքորեն համարվել հասարակության առաջին սոցիալական բջիջը, պետության ու ազգի հիմքը: Իհարկե, հիշյալ Կոնվենցիայի մեջ կան նաեւ պետության ու հասարակության մեջ կանանց դերի բարձրացման, տղամարդկանց ու կանանց իրական իրավահավասարության հասնելուն միտված կետեր, որոնք օրինակելի կարող են լինել նաեւ մեզ համար: Պետք չէ մեծամտություն անել ու հայտարարել, թե մեզանում կանանց ու տղամարդկանց լիակատար իրավահավասարություն է հաստատված: Ավանդույթըՙ ավանդույթ, հազարամյա նիստուկացըՙ նիստուկաց, սակայն ժամանակակից քաղաքակրթությունից ետ մնալ նույնպես չի կարելի: Նկատի ունեմ մեզանում անվերապահորեն մերժված այնպիսի երեւույթներ, ինչպիսին միասեռականներիՙ զանազան գեյերի ու լեսբուհիների, տրանսգենդերների, սեռական հողի վրա մյուս խանգարվածների նկատմամբ հարդուրժողականությունն է: Ես դեմ եմ այն հասարակական հոգեբանությանը, երբ այդպիսիներին վերաբերում ենք որպես թերմարդիկ, քիչ է մնումՙ հոշոտենք: Մարդիկ են, մեղք են, միգուցե նույնիսկՙ հիվանդ են: Նրանց հարկավոր է խղճալ, եւ ոչ թե քարկոծել: Մյուս կողմից, այդպիսի խանգարվածներից ոմանք հասարակության մեջ իրենց այնպես են պահում, կարծես իրենց սեռական կողմնորոշումը մյուս, նորմալ մարդկանց համեմատ, մե՜ծ մի առավելություն է: Այդպիսիները մինչեւ այժմ ամեն կերպ ձգտում էին հասարակությունից թաքցնել իրենց ձեւախեղված սեռական կողմնորոշումները: Հիմա այնքան են լկտիացել, որ փորձում են իրենց կենսակերպը դարձնել մյուսների ընդօրինակման առարկան: Իսկ դա արդեն օենսդրորեն պիտի պատժե՛լ, աճող սերնդին գայթակղելուՙ շեղվածների ցանկացած փորձ արմատախի՛լ անել մեզանում: Եթե Ստամբուլյան Կոնվենցիայի վավերացումը կօգնի հաղթահարել այս երեւույթները, ապա պե՛տք է վավերացնել փաստաթուղթը: Եթե ոչՙ ապա ավելի լավ է ձեռնպահ մնալ դրանից: Քննարկման խնդիր է: Ընդսմինՙ ո՛չ ամենեւին գաղտնի քննարկման: |
Wildberries-ը նվազեցնում է միջնորդավճարը այն վաճառողների համար, ովքեր ապահովում են արագ առաքում մինչև գնորդ
ՎԱՎԵՐԱՑՆԵԼ, ԹԵ՞ ՈՉ
Համանման Հոդվածներ
Ամենաշատ ընթերցվածը
Բնության դեսպանը. ապրիլի 20-ին լրանում է գեղանկարիչ Հրանտ Թադեւոսյանի ծննդյան 88 տարին
ՀՀ ժողովրդական նկարիչ Հրանտ Թադեւոսյանին (Թաթոսին) մեծ ու փոքր, տարբեր սերնդի արվեստագետներ դիմում եմ՝ որպես Վարպետի, եւ այդ, հիրավի, ժողովրդական...
ԿարդալDetails
Մեր զինվորը չպարտվեց, դու պարտվեցիր, դու՛․․․ այ՛ տղա. Աշոտ Մինասյան «Երկաթ»
Դու այս ի՞նչ արեցիր, այ՛ տղա, այս ի՞նչ արեցիր։ Գարնանային գիշերն անուշ փռվել է Արարատյան դաշտի վրա, իջել «Վարդաշեն» բերդի...
ԿարդալDetails
Ձեր նշած բազմաքաղաքացին մինչև տարեվերջ աղքատանալու է. Փաշինյանը ՝ Սամվել Կարապետյանի մասին
ԱԺ–ում տեղի ունեցած հարցուպատասխանի ժամանակ վարչապետ Նիկոլ Փաշինյանը հայտարարել է, որ գործարար, բարերար Սամվել Կարապետյանը մինչև տարեվերջ կորցնելու է իր...
ԿարդալDetailsԸնդդիմադիր եւ իշխանական պատրանքներ
Վերջին մի քանի օրը, ԱԺ-կառավարություն հարցուպատասխանին ու ԱԺ-ում անցած տարվա բյուջեի կատարողականի ներկայացման ընթացքում ներառյալ, հասկանալի դարձավ, որ իշխանությունը գլխավոր...
ԿարդալDetails
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2026 «ԱԶԳ» վերլուծական