2019 թ. սեպտ. 27-ին ՀՀ Վճռաբեկ դատարանը (նախագահող դատավորՙ Մ. Դրմեյան) միաձայնությամբ մերժեց վարույթ ընդունել սփյուռքահայ մի խումբ ինքնակոչների պարագլուխ Սերխիո Նահապետյանի դիմումը, որով պահանջվում էր պարտավորեցնել Ռամկավար Ազատական կուսակցությանը իր կանոնադրության մեջ փոխել, ոչ ավել ու ոչ պակաս, անունը, զինանշանն ու դրոշը: Դատարանը մերժման իր հիմնավորումները ներկայացնելուց հետո արձանագրեց, որ իր որոշումը «ուժի մեջ է մտնում կայացման պահից, վերջնական է եւ ենթակա չէ բողոքարկման»: Այսպիսով եւս մեկ անգամ հաստատվեց, որ դեռեւս 1991 թ.ին ՀՀ արդարադատության նախարարության արտոնագրով իր գործունեությունը մինչեւ օրս եւ այսուհետեւ շարունակող ՌԱԿ-ը Հայաստանի տարածքում միակ օրինական կուսակցությունն է նույն անունով, զինանշանով ու դրոշով:
Հիշեցնենք, որ ինքնակոչների դիմումը նույն բախտին էր արժանացել նաեւ նախորդ երկուՙ Ընդհանուր իրավասության եւ Վերաքննիչ դատարաններում:
