ԾԱՂԿԱՁՈՐԻ «ԳՈԼԴԵՆ ՓԵԼԵՍԸ»ՙ ՊԵՏՈՒԹՅԱՆ ՍԵՓԱԿԱՆՈՒԹՅՈՒՆ

Կառավարությունը որոշել է ընդունել մաքսային պետական կոմիտեի նախկին պետ Արմեն Ավետիսյանի` իրեն պատկանող Ծաղկաձորի «Գոլդեն փելես» հյուրանոցի նվիրատվությունը: Հյուրանոցի արժեքը, ներքին կահավորանքով հանդերձ, տասնվեց միլիոն դոլարի սահմաններում է: Երկու ամսվա ընթացքում կառավարությունում կորոշեն նաեւ հյուրանոցի հետագա օտարման ճակատագիրը, մինչ այդ տասերկու մլն դրամից ավելի ծախսվելու է մոտակա երկու ամիսներին` հյուրանոցի պետական պահպանությունը կազմակերպելու համար: Սովորաբար` տեր չունեցող հյուրանոցի ներքին կահավորանքի կողոպտումը դժվար է կանխել, այս դեպքում եւս դժվար կլինի ներսի եղածի դուրսկրումը: Տեսնենք, թե ինչպես կպահպանեն արդեն պետության ունեցվածքն այս երկու ամսում, մինչեւ օտարումը: