| ԳԵՂԱՄ ՄԿՐՏՉՅԱՆ, ԳյումրիԱռաջիկա կիրակի Գյումրին հերթական անգամ կնշի Քաղաքի օրը: Այս տարի այն կանցկացվի «Վարպետների քաղաք» խորագրով:Գյումրու օրվա տոնակատարությունները եթե սկզբնական շրջանում կենտրոնացված էին եւ տեղի էին ունենում հիմնականում քաղաքի կենտրոնում, ապա վերջին տարիներին դրանք ընդգրկում են բնակավայրի տարածքի տարբեր, այդ թվումՙ նորակառույց ծայրամասային հատվածները:Այս անգամ էլ օրվա բազմաբնույթ միջոցառումները կսկսվեն Կայարանամերձ հրապարակից, մայրաքաղաքից գնացքով եկող հյուրերի դիմավորմամբ ու պարախմբերի համերգով, ապա օրվա ընթացքում կշարունակվեն ինչպես կենտրոնի տարբեր, այնպես էլ «Անի», «Մուշ» թաղամասերի փողոցներում, հրապարակներում, մշակութային, թանգարանային օջախներումՙ արվեստի դպրոցների, գեղագիտական կենտրոնի սաների, խաղարկային տիկնիկների, ռետրո ավտոմեքենաների մասնակցությամբ: Նախատեսված է, մասնավորապես, Շիրազի հիմնանորոգված փողոցի բացում, «Վարպետների քաղաք Գյումրի» կտավի ստեղծում, արհեստների ու արվեստների ցուցադրում:Ժամը 17-ից սկսած, օրվա հանդիսությունները կշարունակվեն եւ ուշ երեկոյան կավարտվեն քաղաքի կենտրոնի Վարդանանց հրապարակումՙ երիտասարդական ու տոնական համերգներով եւ հրավառությամբ: Հանդես կգան տեղի ու մայրաքաղաքից հրավիրյալ կատարողներ, այդ թվումՙ երգչուհիներ Նունե Եսայանն ու Իվետա Մուկուչյանը:Գյումրու համայնքապետարանը բոլորին սիրով հրավիրում է միասին տոնելու քաղաքի օրը: Օրվա տոնակատարություններով պայմանավորված, եկող հյուրերի հարմարության համար օգոստոսի 25-ին Երեւան-Գյումրի-Երեւան արագընթաց գնացքների չվացուցակում կատարվել են փոփոխություններ: Դրանք առավոտյան Երեւանից շարժվելու են ժամը 9-ին եւ 9:40-ին, Գյումրիից մեկնելու են 23:15 եւ 23:45-ին: Մի քաղաքից մյուսը ուղեւորության տեւողությունն այդ գնացքներով 2 ժամ 10 րոպե է, իսկ դրանց տոմսի գնի մասին մենք էլ համեստորեն լռենք… Ասենք, որ նույն ուղղությամբ կգործի նաեւ առավոտյան սովորական մատչելի էլեկտրագնացքը, որը եւս ժամը 11-ին կհասնի Գյումրի: Իսկ քաղաքի բնակիչներին Վարդանանց հրապարակում կայանալիք համերգից անմիջապես հետո ավտոբուսներն անվճար կտեղափոխեն «Անի», «Մուշ» թաղամասերի եւ Երեւանյան խճուղի-օդանավակայան ուղղություններով:Գյումրու օրվան կմասնակցի նաեւ վարչապետ Նիկոլ Փաշինյանը : Այս մասին նա հայտնեց ամսի 11-ին քաղաքի պատմական միջուկում ոչ պաշտոնական այցով շրջելիս, ապա նաեւ ավելացրեց. «Այս տարի սեպտեմբերի 21-իՙ Անկախության օրվա տոնակատարությունները Գյումրիում են լինելու: Մենք որոշել ենք, որ այդ տոնի հիմնական միջոցառումները պետք է Երեւանից դուրս գան եւ ամեն տարի մարզեր գնան. այս տարի կլինի Շիրակի մարզում, մյուս տարի, ըստ ամենայնի, Կոտայքի մարզում: Եվ այդպես Անկախության տոնը պետք է ճամփորդի եւ մտնի բոլոր քաղաքները, բոլոր գյուղերը, որպեսզի մայրաքաղաքային մակարդակի միջոցառումները, այդ կուլտուրան նաեւ քաղաքից քաղաք շրջի»:Հատկապես այս միջոցառումների ժամանակ հանրապետության երկրորդ քաղաքում աննախադեպ մեծ թվով հյուրերի այց է սպասվում: Այս օրերին բնակավայրի ճանապարհների ակտիվ շարունակվող հիմնանորոգման շրջանակներում առաջնահերթ ուշադրություն է նվիրվում դրանց ավարտմանը կենտրոնական մի քանի փողոցներում, որոնց մի մասը նախատեսվել են նաեւ որպես եկող ավտոմեքենաների կայանատեղիներ: Քաղաքապետարանը դիմել է քաղաքի գիշերակացի տեղեր ունեցող բնակիչներին եւ խնդրել ժամանակին իրենց համապատասխան տեղեկատվություն տրամադրել, թեկուզ մեկ օր ընդունելու պայմանով խիստ ծանրաբեռնված կլինեն եղած հյուրանոցներն ու հյուրատները:«Մենք կաշխատենք այս փորձությունը անցնել ու հասկանալՙ Գյումրին քանի՞ հյուրերի կարող է ընդունել»,- ասում է քաղաքապետ Սամվել Բալասանյանը : |
Wildberries-ը նվազեցնում է միջնորդավճարը այն վաճառողների համար, ովքեր ապահովում են արագ առաքում մինչև գնորդ
ԱՅՍ ԿԻՐԱԿԻՙ ՔԱՂԱՔԻ ՕՐ, ԻՍԿ ՍԵՊՏԵՄԲԵՐԻ 21-ԻՆՙ ԱՆԿԱԽՈՒԹՅԱՆ ՀԱՄԱՊԵՏԱԿԱՆ ՏՈՆԸ ԳՅՈՒՄՐԻՈՒՄ
Լրահոս
Ընդդիմադիր ուժերին ընտրողները զրպարտության համար դատի են տվել Փաշինյանին
Ընդդիմության օգտին իբրև ընտրակաշառքով քվեարկելու մասին Նիկոլ Փաշինյանի հայտարարությունները վիրավորել են քաղաքացիներին․ վերջիններս հերթով դիմում են դատարան՝ պահանջելով հերքել զրպարտությունը...
Հարգելի դեսպաններ, այսօր դուք կանգնած եք բարոյական լուրջ ընտրության առջև՝ ում հետ եք համագործակցում և ում եք աջակցում Հայաստանում. Զարուհի Փոստանջյան
ՀՀ-ում Ռուսաստանի Դաշնության դեսպան՝ պարոն Սերգեյ Կոպիրկինին ՀՀ-ում ԱՄՆ դեսպան՝ տիկին Քրիստինա Քվինին ՀՀ-ում Եվրոպական միության պատվիրակության ղեկավար՝ պարոն Վասիլիս...
Փաշիստական իշխանությունների կողմից ժողովրդի նկատմամբ իրականացվող ամենազզվելի բաներից մեկը թուրքերի և ադրբեջանցիների հանդեպ վախի մշտական գեներացումն է. Արման Աբովյան
Վախն ու սարսափը սրանց համար դարձել են յուրաքանչյուր հայի անհատականությունն ու կամքը կոտրելու գործիք՝ փորձելով հայերին վերածել վախեցած, սարսափից դողացող...
Գագիկ Ծառուկյանի մոր՝ Ռոզա Ծառուկյանի առողջական վիճակը կտրուկ վատացել է
Կտրուկ վատացել է Գագիկ Ծառուկյանի 93-ամյա մոր՝ Ռոզա Ծառուկյանի, առողջական վիճակը: Պատճառը խուզարկության ժամանակ որդու նկատմամբ կիրառված անօրինական բռնությունն է:...
Ալեն Սիմոնյանն արձակուրդ է գնացել
Հուլիսի 13-ից օգոստոսի 2-ը ներառյալ 8-րդ գումարման Ազգային ժողովի նախագահ Ալեն Սիմոնյանը գտնվելու է ամենամյա արձակուրդում: Այդ ժամանակահատվածում Ազգային ժողովի...
199 մլն 500 հազար դրամ՝ Վարդավառի համար. բոլորը՝ մեկ մարդու պես, ներկա գտնվել Հանրապետության հրապարակում
«Հրապարակ» թերթը գրում է. «Մեր տեղեկություններով, պետական գերատեսչությունների աշխատողներին, հատկապես Երեւանի քաղաքապետարանի եւ թաղապետարանների աշխատակիցներին հորդորել են կիրակի՝ հուլիսի 12-ին,...
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2026 «ԱԶԳ» վերլուծական