| ՅԱԿՈԲ ՄԻՔԱՅԷԼԵԱՆՍուրիական խորհրդարանի հայ երեսփոխանները հայկական համայնքի ներկայացուցիչներ ըլլալով հանդերձ միայն համայնքին խօսնակներն ու անոր շահերը պաշտպանողներ չեն, այլՙ բոլորին նման սուրիացի պատգամաւորներ: Սակայն Նորա Արիսեանը յաջողած է ներկայ իրավիճակէն օգտուելովՙ իր հեղինակած գիրքերով արաբ ընթերցողին ծանօթացնել Հայկական հարցն ու Հայոց ցեղասպանութիւնը, նիւթը տեղադրել տալով սուրիական դպրոցներու պատմութեան դասագիրքերուն մէջ:Պատմաբան Նորա Արիսեան Սուրիոյ խորհրդարանի անդամ է, ինչպէս նաեւ Սորիա-Հայաստան խորհրդարանական բարեկամութեան խումբի նախագահ:Իր հետ կապ հաստատելով ուզեցի տեղեակ ըլլալ հարցին մանրամասնութիւններուն: Ստորեւ իր բացատրութիւնը:«Սուրիոյ խորհրդարանէն ներս 2017 թուականին կրթութեան նախարարի ներկայութեամբ ելոյթներուս մէջ պահանջեցի դպրոցական դասագիրքերուն մէջ ներառնել դասեր, կամ դասերու ընդմէջէն հատուածներ, որոնք կը խօսին Սուրիոյ մէջ Օսմանեան կայսրութեան վարած քաղաքականութեան հետեւանքներուն եւ հայերու դէմ կատարուած ցեղասպանութեան մասին:Միեւնոյն ժամանակ, նկատի առնելով , որ Սուրիոյ մէջ դպրոցական դասագիրքերը կ՛ենթարկուին վերամշակման, նոյն պահանջքը նիրկայացուցի Սուրիոյ կրթութեան նախարարութեան «Ուսումնական ծրագիրներու վերամշակման ազգային կեդրոն»ին:31 յունուար 2019-ին պատմութեան դասագիրքերու վերամշակման համար տեղի ունեցած յատուկ սեմինարին, Հայոց ցեղասպանութեան թեմայով ելոյթ ունենալէս յետոյ, կեդրոնը համաձայն գտնուեցաւ պաքալորիայի (12-րդ դասարանի) պատմութեան դասագիրքերուն մէջ ներառնել Հայոց ցեղասպանութիւնը ներկայացնող թեմայի իմ ներկայացուցած հատուածս:Վերամշակուած գիրքին մէջ կը յիշատակուի տարածաշրջանի փոքրամասնութիւններուն նկատմամբ թրքական «Իթթիհատ վէ Թերաքքի» կառավարութեան վարած կամայական քաղաքականութիւնը, ինչպէս նաեւ 1915 թուականին Հայոց ցեղասպանութիւնն ու տարագրութիւնը դէպի Սուրիա: Հոն նաեւ յիշատակուած են սուրիացի պատմագիր Մուհամմէտ Քուրտ Ալիի վկայութիւններըՙ Հայոց ցեղասպանութեան նիւթը սուրիական աղբիւրներու տեսանկիւնէն ընդգծելու համար: Կ՛ակնարկուի նաեւ Սուրիոյ մէջ հայերու մշակութային պահպանման խնդիրին, ինչպէս նաեւ զանազան բնագաւառներու մէջ սուրիահայերու ներդրումին մասին»:Նորա Արիսեան հեղինակած է շարք մը գիրքեր, որոնք սատարած են իր ծրագրին յաջողութեան .1 – «Հայերու Արհաւիրքը սուրիական մտքին մէջ, սուրիացի մտաւորականներու դիրքորոշումը Հայոց ցեղասպանութեան նկատմամբ» (արաբերէն), Պէյրութ, 2002:2 – «Հայոց ցեղասպանութեան արձագանգները սուրիական մամուլին մէջ (1877-1935)» (արաբերէն), Պէյրութ, 2005:3 – «Տէր Զօր, Մարտիրոսաց քաղաք» (հայերէն), Հալէպ, 2010:4 – «Սուրիահայ երեսփոխանները Սուրիոյ խորհրդարանին մէջ (1928-2011)» (արաբերէն), Դամասկոս, 2011:5 – «100 տարի Հայոց ցեղասպանութեան. արաբական 100 վկայութիւններ» (արաբերէն), Պէյրութ, 2015:6 – «Հայերու տարագրութիւնը Տէր Զօրի մէջ» (արաբերէն), Դամասկոս, 2018:Ահա՛ թէ ինչ կրնայ ընել անհատ մը, երբ ունի հաւատք եւ յանձնառութեան գիտակցութիւն իր արմատներուն: Նորա Արիսեանի շնորհակալ աշխատանքը արժանի է անվերապահ գնահատանքի: |
Wildberries-ը նվազեցնում է միջնորդավճարը այն վաճառողների համար, ովքեր ապահովում են արագ առաքում մինչև գնորդ
ՆՈՐԱ ԱՐԻՍԵԱՆԻ ԿԱՐԵՒՈՐ ՅԱՋՈՂՈՒԹԻՒՆԸ
Համանման Հոդվածներ
Ամենաշատ ընթերցվածը
Փաշինյանի անվտանգության բարձրաստիճան նախկին սպան տեղեկություններ է փոխանցել ընդդիմադիրներին
ArmLur.am-ին ընդդիմադիր ուժերից մեկի շտաբից տեղեկություններ հասան այն մասին, որ Նիկոլ Փաշինյանի անվտանգության համակարգում նախկինում բարձրաստիճան պաշտոն զբաղեցրած սպաներից մեկը...
ԿարդալDetails
Իշխանության գործած ճակատագրական սխալը և նոր հնարավոր սխալ, որը «կպայթեցնի» իշխանությունը. Սուրենյանց
Քարոզարշավի արդեն երրորդ օրը Նիկոլ Փաշինյանի «կուռատորները» նրան հուշեցին մի մարտավարություն, որը ճակատագրական սխալ դարձավ իշխանության համար: Փաշինյանն առանցքային երեք...
ԿարդալDetails
Ալիևի փողերով նկարահանված ֆիլմի հիմնական ուղերձն է՝ Փաշինյանը պետք է մնա իշխանության, քանի որ դա պետք է Ադրբեջանին. ադրբեջանագետ
Ինչպե՞ս է հակառուսականությունը որոշ հայերի մոտ վերածվել պրոադրբեջանականության… Օրեր առաջ գրառում էի արել այն մասին, որ Ալիևը փող է ծախսում...
ԿարդալDetails
Փաշինյանը տանում է պատասխանատվությունը դեպի հանրություն՝ ամենից լավ գիտենալով, որ ինքը չի տանում Հայաստանը ԵՄ. Հակոբ Բադալյան
Նիկոլ Փաշինյանն ասում է, որ Հայաստանի քաղաքացին պետք է ընտրի ԵՄ գնալ-չգնալը: Փաստորեն, նա համաձայն է ՌԴ նախագահ Պուտինի հետ,...
ԿարդալDetails
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2026 «ԱԶԳ» վերլուծական