ՀԱՅԿ ՍԻՐՈՒՆՅԱՆ
Օրեր առաջ տեղի ունեցավ ծայրահեղ խայտառակություն Ազգային ժողովում: Ինչ-որ մի տարր, անհամասեռ զանգված, անարգեց մեզ եւ մեր պետականությանը: Խոսքս «տրանսգենդեր» կոչեցյալի հորջորջած խնդիրների մասին է: Արդյոք սա այն երկի՞րն է, որտեղ նրանք պետք է տեղ ունենան, ուր մնաց, թե մի հատ էլ իրենց իրավունք-խնդիրների մասին խոսեն եւ այն էլ գերագույն խորհրդում: Ո՛չ, նրանք չարիք են այս հասարակության համար:
Խոսքս շեշտակի ուղղում եմ քեզՙ շարժասանդուղքի վերեւում հայտնված այր, ես գիտակցում եմ, որ այս դարի մեգահիվանդությունն է քաղցկեղը, բայց տեղյակ եմ նաեւ բժշկությունից: Հետեւաբար հեռացրու մեզնից, մեր օրգանիզմից այդ քաղցկեղածին բջիջները, քանի դեռ չեն լափել մեզ իրենց եվրոպական երախով: Ես կփորձեմ լինել մի քիչ հոռետես, ինչը օգնում է օբյեկտիվ դատողության ընթացքին, ու կտամ հոռետեսական տեսլականըՙ սպասվելիք երկրի հավասար մարդկային իրավունքների վերաբերյալ: Պարոնա՛յք բարձունքում գտնվողներ, ապա մի պատասխանեք տեսնեմ, դուք, ավելի ճիշտ ձեր աչքերը, պատրա՞ստ են դիմակայել այն պիղծ տեսարանին, որում «դրանք» մեր եկեղեցում առաջին նշանադրության փորձերը կկատարեն: Դժվար թե պատրաստ լինեն: Իսկ ձեր այտերը պատրա՞ստ են կարմրատակելու, երբ մի օր հանդիպեք մեր անցավորների կողքին «դրանց»: Երեւի պատրաստ չեն: Պարզապես հետաքրքրական է, թե ի՞նչ պետք է ասեք այդժամ, որո՞նք կլինեն առաջին այդ համարձակ բառերը, որ կփորձեն արդարացնել ձեզՙ մեր առաջ: Պարոնա՛յք բարձրեր, մի խեղաթյուրեք ողջ ազգին, մե՛զ, մեր ներկան, անգամ նրանց, ովքեր հետո են գալու, ու հենց այս հարցերով զինված: Արժանապատվություն ու ողջամտություն եմ մաղթում ձեզ:
Հ. Գ.- Սիրելի՛ փողկապավորներ, ամեն մեկդ ձեր սենյակներում, զինանշանի, դրոշի, շարժասանդուղքի գագաթին կամ էլ ձեր ընտանիքների նկարների կողքինՙ բրոնզե տառերով ամրագրեք «ՄԵՆՔ ՀԱ՛Յ ԵՆՔ» ազդանշանը: Դա կօգնի ձեզ: Փորձված բան է:
