«ՈՒՐԱՑՄԱՆ ԵՎ ՃԱՆԱՉՄԱՆ ՄԻՋԵՎ». ԳԻՏԱԺՈՂՈՎ ԲԵՌԼԻՆՈՒՄ

ԱՆԱՀԻՏ ՀՈՎՍԵՓՅԱՆ, Գերմանիա

Ռոզա Լյուքսեմբուրգ հիմնադրամը ապրիլի 13-ին ժամը 9.30-18.00-ին Բեռլինի իր նստավայրում գիտաժողով է հրավիրում: Քննարկման առարկան Հայոց ցեղասպանության թեման էՙ պատմաքաղաքական բանավեճի, Գերմանիայում հիշողության մշակույթի քննարկման հոլովույթում: Ողջույնի խոսք կասեն Բունդեսթագի փոխնախագահ Պետրա Փաուն, հիմնադրամի վարչության ղեկավարներից Ֆլորիան Վայսը, Բեռլինում ՀՀ դեսպան Աշոտ Սմբատյանը: Բանախոսները Գերմանիայի տարբեր համալսարաններից, գիտական կենտրոններից ենՙ դոկտ. պրոֆ. Բերնդ Բրաունը, Նիքլաս Վայվոդ Մ.Ա., դոկտ. Թալին Սուճյանը, դոկտ. Մերոն Մենդելը, դոկտ. պրոֆ. Շտեֆանի Շյուլեր- Շպրինգորումը: Դոկտ. Սալվադոր Օբերհաուսը կվարի բանավեճ-քննարկումը, որին ի թիվս վերոհիշյալ անձանց կմասնակցեն նաեւ Նազան Մաքսուդյանը, դոկտ. պրոֆ. Վլադիմիր Վարդանյանըՙ միակ հրավիրյալը Հայաստանիցՙ Ցեղասպանության թանգարան ինստիտուտից: