ՎԱԴԵՖՈՒԼՆ ԱՍԵ՞Լ Է, ԹԵ «ԼՂ-Ն ԱԴՐԲԵՋԱՆԱԿԱՆ ՏԱՐԱԾՔ Է…»

ԱՆԱՀԻՏ ՀՈՎՍԵՓՅԱՆ, Գերմանիա

Մարտի 19- ին «Ազերթաջի» գերմաներեն տարբերակում կարդում ենք հետեւյալըՙ «ԼՂ ադրբեջանական տարածք է, որ ապօրեն (ոչ լեգալ) զավթել է Հայաստանը»: Հայտարարությունը վերագրվել է Բունդեսթագի ՔԴ- ՔՍ միության խմբակցության փոխնախագահ Յոհանն Վադեֆուլին (Wadephul), որ Բեռլինում ի թիվս այլոց մասնակցել է Ադրբեջանի կազմակերպած «Կայունություն եւ անվտանգություն Հարավային Կովկասում» 7- րդ սիմպոզիումինՙ նվիրված «Խոջալուի ցեղասպանության 27- րդ տարելիցին»: Երեկ մեր գրավոր հարցերին ի պատասխան պատգամավորի 2 գրասենյակներից նախ տարբեր պատճառաբանություններ եղանՙ նստաշրջանում ծանրաբեռնվածությունը, երեկ ակնկալվող նրա ելույթը, հետո այդուհանդերձ պատասխանեցին, բայցՙ խիստ անորոշ: Մեր փորձը հուշում է, որ «Ազերթաջ»- ը երբեմն նաեւ վստահելի աղբյուր է, ուստի պիտի հետապնդենք մեր հարցերըՙ ակնկալելով Վադեֆուլի ստույգ պատասխանները: