| Ստամբուլի «Արաս» հրատարակչութիւնը լոյս է ընծայել Երուանդ Թօլայեանի «Կավռօշ-նամէ» գիրքըՙ աշխատասիրութեամբ հայաստանցի բանասէրներ, հայր եւ որդի Հենրիկ եւ Արծուի Բախչինեանների : Հատորը հրատարակութեան է պատրաստել պոլսահայ բանասէր Սեւան Տէյիրմէնճեանը : Այն ընդգրկում է պոլսահայ, յետագայումՙ ֆրանսահայ եւ հայաստանաբնակ խմբագիր եւ դերասան Երուանդ Թօլայեանի (Կավռօշ, 1883-1940?) յուշագրութիւնը, գրուած 1936-1937 թթ.: 597 էջ ընդգրկող այս հատորը կազմուած է առաջաբանից (հեղինակՙ Արծուի Բախչինեան), 148 ընդարձակ գլուխներից, ծանօթագրութիւններից եւ յատուկ անունների ցանկից: Շարադրանքը պատկերազարդուած է լուսանկարներով:Առաջին անգամ ամբողջութեամբ տպագրուող փաստալից այս յուշագրութիւնը հիմնականում ներկայացնում է 20-րդ դարի առաջին քառորդի Պոլսի հայկական եւ թուրքական պատմամշակութային կեանքըՙ առանցք ունենալով մամուլի եւ թատրոնի ասպարէզները: Հեղինակը բազմաթիւ արժէքաւոր փաստական տուեալներ է հաղորդում ժամանակի արուեստագէտների, որոնց թւումՙ Մարտիրոս Մնակեանի, Արշակ եւ Սերովբէ Պէնկլեանների, Սիրանոյշի, Կոմիտասի, Վահրամ Փափազեանի, Ռեշատ Ռըտվանի եւ շատ ուրիշների մասին:Երուանդ Թօլայեանը, սկսած 20-րդ դարի սկզբից, եղել է պոլսահայ մամուլի եռանդուն աշխատակից, մասնակցել է հայերէն եւ թուրքերէն թատերական ներկայացումների, սակայն ամենից առաջ իր կարեւոր հետքն է թողել որպէս «Կավռօշ» երգիծաթերթի հրատարակիչ նախ Կ.Պոլսում, ապաՙ Փարիզում: 1915-ին աքսորուել է պոլսահայ միւս մտաւորականների հետ, սակայն ողջ է մնացել եւ վերադարձել է Պոլիս: 1936-ին ներգաղթել է Խորհրդային Հայաստանՙ լինելով Կոմիտաս վարդապետի աճիւնը հայրենիք ուղեկցողների խմբում: Հայոց Մեծ եղեռնը վերապրած խմբագիր-դերասանը 1937-ին կամ աւելի ուշ Խորհրդային Միությունում դարձել է ստալինեան անհատի պաշտամունքի զոհ: ԽՄԲ. |
Wildberries-ը նվազեցնում է միջնորդավճարը այն վաճառողների համար, ովքեր ապահովում են արագ առաքում մինչև գնորդ
ԵՐՈՒԱՆԴ ԹՕԼԱՅԵԱՆԻ ՅՈՒՇԱԳՐՔԻ ԱՄԲՈՂՋԱԿԱՆ ՀՐԱՏԱՐԱԿՈՒԹԻՒՆԸ
Համանման Հոդվածներ
Ամենաշատ ընթերցվածը
Փաշինյանի անվտանգության բարձրաստիճան նախկին սպան տեղեկություններ է փոխանցել ընդդիմադիրներին
ArmLur.am-ին ընդդիմադիր ուժերից մեկի շտաբից տեղեկություններ հասան այն մասին, որ Նիկոլ Փաշինյանի անվտանգության համակարգում նախկինում բարձրաստիճան պաշտոն զբաղեցրած սպաներից մեկը...
ԿարդալDetails
Ո՞ր փողոցներն են փակ լինելու մայիսի 27-ին և 28-ին
Հանրապետության օրվան նվիրված միջոցառումների շրջանակում երթևեկության սահմանափակումներ կլինեն նաև․ Մայիսի 27-ին՝ ժամը 7:00-ից 12։00-ն փակ կլինեն Հանրապետության հրապարակին հարող փողոցները՝...
ԿարդալDetails
Մի՛ կիրառեք «ադրբեջանցիների վերադարձ» անհարկի ու վտանգավոր տերմինը. Տաթևիկ Հայրապետյան
Կարևոր Հարգելի լրագրողներ, հանրային գործիչներ, ընդդիմադիր թեկնածուներ, խնդրում եմ, հորդորում եմ՝ մի՛ կիրառեք «ադրբեջանցիների վերադարձ» անհարկի ու վտանգավոր տերմինը։ Խոսքը...
ԿարդալDetails
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2026 «ԱԶԳ» վերլուծական