«Պրոգրես» երիտասարդական նախաձեռնությունների կենտրոնը նոյեմբերի 14-ին հրավիրել էր մամուլի ասուլիս: Քննարկումը կայացավ Երեւանիՙ Վ. Բրյուսովի անվան համալսարանի Ուսանողական խորհրդի շուրջ, որի հետ կապված մտահոգություններով վերջերս կենտրոնին էր դիմել Ուսանողական խորհդի նախագահ Ռոզա Հակոբյանը : Մասնավորապես ընդգծվեց, որ մայիսի 24-ին նույն համալսարանի մի շարք ուսանողներ քննարկում են անցկացրելՙ ուսխորհրդի նոր կանոնադրության մշակման նպատակով: Սակայն ուսումնասիրություններն ու փաստերը ցույց էին տվել, որ համաժողովի ընթացքում կանոնադրության քննարկում չի եղել: Խոսվեց նաեւ այն մասին, թե խնդրի վերաբերյալ ԿԳ նախարարի պաշտոնակատար Արայիկ Հարությունյանին մատուցված տեղեկությունները չեն համապատասխանում իրականությանը:
Հիշեցնեմ, որ նոր կառավարության հաստատումից ի վեր Հայաստանի տարբեր համալսարաններում մեծ արշավ է սկսվել ուսանողական խորհուրդների դեմ:
