ԹՈՒՄՈՅԻ ՆՄԱՆԱԿԸ ԿՍՏԵՂԾԵՆ ԳԵՐՄԱՆԻԱՅՈՒՄ

ԱՆԱՀԻՏ ՀՈՎՍԵՓՅԱՆ, Գերմանիա

Թեեւ Անգելա Մերկելն երեկվանից եռօրյա այցով մեկնել է արեւմտյան Աֆրիկա, սակայն գերմանական ԶԼՄ-ները շարունակում են հրապարակել առանձին դրվագներ նախորդ շաբաթ նրաՙ Հարավային Կովկաս կատարած այցից: Գերմանացի մեր գործընկերներն առավել ծավալուն անդրադարձան Թիֆլիս, Երեւան այցին, Բաքվի մասին պատմեցին նկատելի հակիրճ: Բռնակալական ռեժիմն է պատճառը, Վայլերի առջեւ Բաքվի դրած պայմանը նաեւ: Հայաստանից ստացած տպավորությունը դրական է, այցը լուսաբանողներն արդեն եղել էին Հայաստանում, «թավշյա հեղափոխության» արձանագրողն են: Մեր գործընկերները Ծիծեռնակաբերդ այցից հետո հատուկ նշեցին, որ Մերկելը խուսափել է ցեղասպանություն եզրույթից: Զարմանալի դրական, ընդօրինակելու արժանի կրթավայր էլ կա Հայաստանումՙ Թումոն, որի նմանակը մտորում են ստեղծել նաեւ Գերմանիայում: ԳԴՀ կանցլերի այցի արդյունքները կամփոփենք «Ազգ»ի առաջիկա համարում: