Մայիսի 21-ին ՀՀ նախագահ Արմեն Սարգսյանը իր պաշտոնավայրում ընդունեց ՌԱԿ Գերագույն խորհրդի եւ Կենտրոնական վարչության պատվիրակությանը:
Ավելի քան կես ժամ տեւած հանդիպման ընթացքում քննարկվեցին մի շարք կենսական հարցեր, որոնք հետաքրքրում են ինչպես հայաստանաբնակ հայությանը, այնպես էլ սփյոււռքահայությանը:
Թավշյա հեղափոխության ընձեռած պայմանների ներքո ընդհանրապես դրական էին դատումներն ու դիտումները:
Հատկապես քննարկվեցին հավանական սպասվող ընտրությունները, հայրենադարձության խնդիրը, տնտեսական ներդրումների երաշխավորության հարցը, ինչպես նաեւ հայրենիք -սփյուռք հարաբերությունների նոր ծիրը:
ՌԱԿ պատվիրակության կազմում էին Գերագույն խորհրդի նախագահ Վարդան Նազիրյանը, Կենտրոնական վարչության նախագահ Հակոբ Ավետիքյանը, ՌԱԿ ԳԽ եւ ԿՎ անդամներ Երվանդ Ազատյանը, Հակոբ Վարդիվառյանը, Գեւորգ Մարաշլյանը, Կարեն Կակոյանը, Արմեն Մանվելյանը, Էդուարդ Մանուկյանը, Խորեն Քալինյանը:
