Փետրվարի 22-ին, ժամըՙ 09:40-ի սահմաններում, ՊԲ հյուսիսարեւելյան ուղղությամբ գտնվող զորամասերից մեկի պահպանության տեղամասում, հակառակորդի արձակած կրակոցից զոհվել է ՊԲ զինծառայող, 1998-ին ծնված Գրիգոր Կարապետի Եղոյանը :
Արցախի ՊՆ-ից հայտնում են, որ դեպքի մանրամասները պարզելու համար կատարվում է քննություն:
Ի դեպ, փետրվարի 21-ին Տավուշի մարզում ԵԱՀԿ գործող նախագահի անձնական գրասենյակը հերթական դիտարկումն է անցկացրել: Դիտարկումից հետո կայացած ճեպազրույցում ԵԱՀԿ պաշտոնյաները ներկայացրել են հայ-ադրբեջանական պետական սահմանին տիրող իրավիճակը, հրադադարի խախտման վիճակագրությունը:
