ԱԺ պատգամավոր, «Ելք» խմբակցության ղեկավար Նիկոլ Փաշինյանը հինգշաբթի օրը Ֆեյսբուքի իր էջում գրել էր, որ ԱԺ հանրապետական խմբակցության պատգամավոր Արտաշես Գեղամյանը խորհրդրանի միջանցքում հարձակվել է իր վրա. «Հենց նոր ԱԺ միջանցքում Ա. Գեղամյանը բռունցքներով հարձակվեց ինձ վրա:
Հաջողությամբ պաշտպանվեցի: Մի երկու անգամ էլ կոշիկներս փայլեցրի իրենով:
Ներողություն եմ խնդրում հանրությունից, որ ստիպված եմ աշխատել այս պայմաններում»:
Արտաշես Գեղամյանն իր հերթին ասել է, որ եթե ինքը բռունցքներով հարձակվեր Փաշինյանի վրա, ապա վերջինիս հիվանդանոց կտանեին: Լրագրողների դիտարկմանն էլ, թե Փաշինյանի դեմքը կարմրած է եղել, Գեղամյանն արձագանքել էՙ «Երեւի ամոթից է կարմրել. մարդը անհեթեթ հարցադրումներ է անում, խիղճը տանջել է, կարմրել է»:
Իսկ, թե ինչո՞ւ են փայլում Փաշինյանի կոշիկները, Գեղամյանին չեն հարցրել:
