Ա. Բ.
Միացյալ Էմիրություններում (Դուբայ) հրատարակվող եւ արվեստի, գրականության, դիզայնի ու այլ բնագավառներին վերաբերող «Բրաունբրուք» ուրբանիստական անգլիալեզու ամսագրի (http://culturalengineering.org/projects/brownbook-magazine/) սույն տարվա հուլիս-օգոստոսի համարում տպագրվել է հարցազրույց հայաստանցի կինոգետ Սիրանույշ Գալստյանի հետ: Հարցազրույցի առիթը Գալստյանիՙ ԱՄՆ-ում անցյալ տարի լույս տեսած հայ կինոյին նվիրված «Հայաստանի կինոն. ամփոփ տեսություն» մենագրությունն է («Մազդա» հրատարակչություն, Կոստա Մեսա, Կալիֆոռնիա, 2016):
Կինոգետի գործունեության, ուսումնասիրության առարկայի եւ այլ հետաքրքրությունների շուրջ հարցազրույցը վարել եւ նյութը պատրաստել է «Նյու Յորք թայմս» եւ «Գարդիան» հեղինակավոր թերթերի աշխատակից, լրագրող Լիանա Աղաջանյանը Դեթրոյթից (ԱՄՆ), իսկ լուսանկարների հեղինակն է Նելլի Շիշմանյանը Երեւանից:
