Օգոստոսի 24-ին նախագահ Սարգսյանն ընդունել է պաշտոնական այցով Երեւան ժամանած Թուրքմենստանի նախագահ Գուրբանգուլի Բերդիմուհամեդովին: Ստորագրվել են համագործակցությունը խորացնող մի շարք փաստաթղթեր, քննարկվել են որոշ հնարավորություններ, այդ թվում Հայաստան-Թուրքմենստան ուղիղ ավիաչվերթի մեկնարկի հարցը:
«Տնտեսության, զբոսաշրջության եւ մեր երկրների քաղաքացիների միջեւ շփումների ընդլայնման համատեքստում մենք քննարկեցինք մեր մայրաքաղաքների միջեւ ուղիղ ավիաչվերթի հնարավոր մեկնարկի հարցը: Այս առումով մենք պատրաստ ենք տրամադրել մեր թուրքմենական բարեկամներին Հայաստանում իրականացվող «բաց երկնքի» քաղաքականության շրջանակներում նախատեսված արտոնությունների ամբողջական փաթեթ». ասել է ՀՀ նախագահը: Այնպես որ, եթե դուք Թուրքմենստանում բարեկամներ ունեք, ապա նրանք շուտով հնարավորություն կստանան ուղիղ չվերթով գալ Հայաստան:
