ՈՒ՞Ր Է ՀԱՅ ՀԵՂԻՆԱԿԻ ԳԻՐՔԸ ԼՂ-Ի ՄԱՍԻՆ

ԱՆ. Հ.

Ադրբեջանի նախագահական նստավայրի ղեկավար, ակադեմիայի անդամ Ռամիզ Մեհդիեւը գիրք է հեղինակել Ղարաբաղի մասին, ծանուցում է «Ազերթաջի» գերմաներեն տարբերակըՙ հստակեցնելով, թե «Լեռնային Ղարաբաղ. աղբյուրագիտական հետազոտություն» անվանյալ գիրքը գերմաներեն է, հրատարակել է շվեյցարական Publishing Partners-ը: Ըստ «Ազերթաջի», «գիրքը ներկայացնում է ԼՂ-ի պատմական արմատները, հայ- ադրբեջանական հիշյալ հակամարտությունը, որ հիմնված է անտիկ, միջնադարյան, ժամանակակից աղբյուրների վրա: Պատմական հինավուրց փաստեր, որ հաստատում են, թե ԼՂ Ադրբեջանի անբաժան մասն է»: Գիրքը նախատեսված է ընթերցողների լայն շրջանակի համար: «Ազգ»-ում արդեն գրել էինք, թե ԼՂ- ի վերաբերյալ հայկական տեսակետը դեռ փնտրում ու չենք գտնում գերմաներեն տիրույթում: Չկա՞ քաղաքական, կուսակցական, պետական պատվեր, թե՞ այդպիսի գիրքը բյուջե չի լցնում: