NZZ .ԲԵՌՆՈՒՄ ՍԱՐԳՍՅԱՆ- ԱԼԻԵՎ ՀԱՆԴԻՊՄԱՆ ՄԱՍԻՆՙ ԵՐԵՎԱՆԻՆ ՀՂՈՒՄՈՎ

ԱՆԱՀԻՏ ՀՈՎՍԵՓՅԱՆ, Գերմանիա

Շաբաթ օրըՙ դեկտեմբերի 19- ին Բեռնում կայանալիք Սարգսյան- Ալիեւ հանդիպման մասին շվեյցարական «Նոյե ցյուրխեր ցայթունգը» ( NZZ ) դեկտեմբերի 17- ին հաղորդելովՙ նախընտրում է հղում է անել Հայաստանի նախագահ Սերժ Սարգսյանիՙ հինգշաբթի Երեւանում հրապարակած տեղեկությանը: Թերթը գրում է, թե Հարավային Կովկասը 2014- ին ԵԱՀԿ Շվեյցարիայի նախագահության համար կարեւոր տարածաշրջան է դիտվել, քանի որ այնտեղ առկա հակամարտությունները սպառնում են ողջ Եվրոպայի կայունությանը:Շվեյցարական լրատվամիջոցի հաղորդագրության մեջ, մեր կարծիքով, ընդգծված մի նրբերանգ նկատելի է. Իսլամական դրոշմ ունեցող Ադրբեջանին միջազգային իրավունքի տեսակետից պատկանող Լեռնային Ղարաբաղը 1990- ականներին պատերազմի արդյունքումԲաքվից անջատվեց: Տարածքի բնակչության մեջ գերակշիռ են քրիստոնյա հայերը:1994- ից ի վեր փխրուն հրադադար է: Անցած ամիսներին ակտիվացել են փոխհրաձգություններըՙ բազմաթիվ զոհեր գրանցելով: Ադրբեջանի պաշտպանության նախարարությունը նաեւ հինգշաբթի մեղադրել է Հայաստանին մեկ զինվորի սպանության մեջ: 1992- իցԵԱՀԿ ձգտում է երկու նախկին խորհրդային հանրապետությունների միջեւ ծագած հակամարտությանը խաղաղ լուծում գտնել, իրազեկում է «Նոյե ցյուրխեր ցայթունգը»: