ՊՈՒՏԻՆՅԱՆ ՍՊԱՌՆԱԼԻՔՆԵՐ ԹՈՒՐՔԻԱՅԻՆ

ՌԴ նախագահ Վլադիմիր Պուտինը երեկ ՌԴ Դաշնային ժողովին հղած իր ամենամյա ուղերձի սկզբում, անդրադարձ անելով Թուրքիայի կողմից ռուսական ռմբակոծիչի կործանմանը, ինչպես նաեւ ռուս օդաչուի սպանությանը, նշեց, որ իրենք չեն գնա ծայրաստիճան սրացման, սակայն Թուրքիան հաստատ լոլիկներով չի պրծնի. «Մենք զենք չենք ճոճելու, բայց եթե Թուրքիան նենգ հանցագործության գնալով կարծում է, թե կպրծնի լոլիկներով կամ ինչ-որ ոլորտային սահմանափակումներով, խորապես սխալվում է: Նրանք դեռ մեկ անգամ չէ, որ կզղջան իրենց արածի համար», ասել է Պուտինն` ակնարկելով, որ հստակ գիտեն բոլոր այն քայլերը, որոնք Թուրքիային կստիպեն բազմիցս զղջալ իր արածի համար: