ՌԴ ՊՆ-ն եւ Թուրքիայի Զինված ուժերը դադարեցրել են «թեժ գծի» փոխգործակցությունը, հետ է կանչվել ռուսական Ռազմածովային նավատորմի ներկայացուցիչը, որը Թուրքիայում էր գտնվում Սեւծովյան նավատորմի գործողությունները համակարգելու նպատակով:
Ինչպես հայտնում է INTERFAX.RU-ն, որին հղում է անում tert.am կայքը, այս մասին տեղեկացրել է ՌԴ ՊՆ պաշտոնական ներկայացուցիչ, գեներալ-մայոր Իգոր Կոնաշենկովը: Վերջինիս խոսքով, նախապես կայացված որոշման համաձայն` այսօր ընդհատվել են բոլոր տեսակի փոխգործակցությունները ՌԴ ՊՆ-ի եւ թուրքական զինված ուժերի միջեւ:
Տվյալ որոշման մասին ավելի վաղ հայտնել էր ՌԴ Զինուժի Գլխավոր շտաբի ղեկավար, գեներալ-լեյտենանտ Սերգեյ Ռուդսկոյը:
