Ռուս-թուրքական` վերջին օրերին նկատվող լարված հարաբերությունների համապատկերում, երբ, հիշեցնենք, Սիրիայում հատուկ գործողություններ իրականացնող ռուսական ռազմական ինքնաթիռները մի քանի անգամ հատել են Թուրքիայի օդային տարածքը, նախագահ Էրդողանը` Ճապոնիայի ճանապարհին, արել է մի շարք ուշագրավ հայտարարություններ: Թուրքիայի նախագահը նախ շեշտել է, թե «Թուրքիայի օդային տարածք` նշանակում է ՆԱՏՕ-ի օդային տարածք», ապա եւ ասել, թե ինքն այս պայմաններում նպատակահարմար չի համարում Պուտինի հետ նոր հեռախոսազրույց ունենալ, քանի որ` «Երբ ես երկրորդ անգամ Պուտինի հետ հեռախոսազրույց ունեցա, ռուսական ինքնաթիռները երկրորդ անգամ հատեցին Թուրքիայի օդային տարածքը»: Փոխարենը, ինչպես նշել է Էրդողանը` «Երբ ես վերադառնամ Ճապոնիայից` հեռախոսազրույց կունենամ նախագահ Օբամայի հետ, քանի որ պետք է այս հարցին ավելի լայնամասշտաբ լուծում տալ»: Միեւնույն ժամանակ Էրդողանը նշել է, թե Թուրքիան կարող է վերանայել Ռուսաստանի հետ կնքված էներգետիկ համաձայնագրերը եւ, օրինակ, հրաժարվել ռուսական գազից:
Իմիջիայլոց, ռուս թագավորներից Պետրոս Առաջինը բոլորովին այլ ժամանակներում եւ բոլորովին այլ առիթով ասել է. «Երեք խումբ կա, որոնց պետք չէ երբեք հավատալ. կանայք, թուրքերը եւ չխմողները»:
Հա, չմոռանանք ասել, որ ադրբեջանցիները թուրքերի ռուսախոս տեսակն են:
